ومازال حمادة يكذب ::: مجدى dd.dy

ومازال حمادة يكذب

مجدى dd.dy

http://www.youtube.com/watch?v=mNHOvsFmFDw

حصري .. لقاء مع حمادة صابر المسحول أمام الإتحادية

حمادة هذا الرجل ليس بالسهل  ,,, والداخلية ليست بالسهل ايضا  لانها كاذبة وتستغل سلطتها  فى الضغط على افراد الشعب ,,, وحمادة عينة يمكن من خلالها معرفة اسلوب الداخلية بقيادة وزير داخليتها الجديد  (( محمد ابراهيم  ))

والبطبع سنعرف سياسة النظام  بقيادة مرسى وتعليماته للداخلية .

فى هذا الفيديو  يقول حمادة ان طلق الخرطوش جائه من الخلف  ,,, وعند سؤاله  من اطلق الخرطوش رد بكل ثقة  وقال (((  راح ايه مفيش دقيقتين تلاتة  ولسة ببص وبتفرج  لاقيت تك فى رجليه ))) المذيع سأله ايه تك دى بقى ؟؟

رد حمادة ((( معرفش رصاصة ولا رصاص حى ولا ايه معرفش ))) وسأله المذيع ,من ناحية مين ؟؟؟

رد حمادة بدون تردد ((( من ناحية المتظاهرين يا باشا , رحت واقع وقمت تانى معرفتش اقوم راحو جم  واتلموا عليا بهدلونى ))) , وسأله المذيع  , المتظاهرين ؟  واكمل حمادة الحوار ((( المتظاهريين بهدلونى, حتى خدوا الهدوم ولا سابو الفلوس معايا ولا حاجة , فى الاخر قالك ده مش عسكرى  ده راجل كبير هتموتوه , العساكر جريت تجرى  انا خوفت ربنا يسامحنى قالوا والله مهنعملك حاجة وانا اجرى منهم وهما يشدوا فيه والله ماــ)))

المذيع يؤكد الكلام , الشرطة ؟؟؟ , وكمل حمادة ((( والله ما هنأذيك والله ما تخاف انت هتموت اقول لهم مش قادر مش قادر .............. ))) الى اخر الحوار

ماذا استنتجت انا من هذا الحوار ؟؟؟

استنتجدت الاتى  ان حمادة لا يكذب من عند نفسه انه تم تحفيظه ما ينطق به لتبرئة الداخلية  ولصق التهمة بالثوار فهو يؤكد ان الثوار هم من اطلقوا عليه النار  وايضا هم من قاموا بضربه بعد وقوعه على الارض .

وبقية الحوار كان يدافع عن رجال الداخلية وانه هو من اتعبهم وهم كانوا يريدون حمايته  .

والغريب انه استمر فى الكذب فى الفيديو التالى وهو كان مازال فى مستشفى الشرطة العسكرية .

واعترف فى هذا الفيديو  بان رجال الداخلية هم من قاموا بسحله وان الثوار لم يتعرضوا له

http://www.youtube.com/watch?v=mhi1QjG36rU

حماده مسحول الاتحاديه يعترف باعتداء الشرطه عليه

تعالى نرى الكذب لانه مازال تحت ضغط ما , المذيع شريف يسأله ,,, انت غيرت اقوالك مع النيابة .

رد حمادة وقال ((( قلت ان الشرطة هى اللى ضربتنى  وسحلتنى  واضربت بالرصاص .... وجرونى وبهدلونى .......  كل الهدف عايز اسبهم يخلونى ......... كنت خايف اخش المدرعة . واحد قالى  لو اتكلمت هنخلص عليك ))) .

شريف بيسأله , ليه مقلتش حق الله اول مرة قالولك ايه تعمله ؟ ,,, حد عرض عليك فلوس ضغطوا عليك ؟

رد حمادة باجابة غريبة وقال  ((( بصراحة محدش عرض ,الناس اللى فى المستشفى قالولى احنا بنعالج بس )))

واستمر فى الكلام عن المستشفى والاطباء وكيف قاموا بالواجب نحو علاجه  وقال هو دة سبب اقواله الاولى , وسئله شريف انت عملت كده من نفسك بمجرد انهم عالجوك  ,, قال حمادة ((( ايوه بصراحة يافندم , عالجونى قلت خلاص ......... البلد  مش ناقصه المبلة طين ))) .

وخلاصة الموضوع

هذا يدل على كم الضغوط التى يتعرض لها حمادة حتى الان  , فبمجرد انهم عالجوه اخترع موضوع  ان الثوار هم من اطلق عليه النار وقاموا بضربه ,,, اما ان هذا الرجل خبيث واحب ان يمسك العصى من المنتصف  ولم يريد ان يقول انه تعرض لضغوط من مساعد وزير الداخلية عندما زارة  فى المستشفى ,,واما  ان حمادة  راجل عاقل جدا منتظر خروجه من مستشفى الشرطة ! وهذا احتمال  ,,, ولكن الذى انا متأكد منه انه كذاب ,,, وها هو فى مستشفى المطرية الان

وشهادته يتوقف عليها اجرائات ستُطيح بكثيرين  فى السلطة  , وهذا ما سنشاهده الايام القادمة , ان حزباً ما له يد فيما يحدث فى الداخلية ,, هذا اذا سارت التحقيقات بنزاهة  ولا يتدخل فيها الرئيس .

5 / 2 / 2013

مجدى dd.dy

http://magmwr.blogspot.com/

مدونتى