يوسف وزليخة المفترية بالصور :: مجدى dd.dy

زليخة المفترية

مجدى dd.dy


-        المشهد الاول

-        زليخة ممدده على الاريكة وهى على سنجة عشرة ذهبت الى الكوافير شدت وجهها بالفتلة  ,,, ووضعت باروكة بلون الذهب ,,, وقامت بالواجب نحو جسدها  البض الابيض المتوسط 

  القصر هادئ لايوجد اشخاص فى القصر ,,, انها هيئت المكان بان اعطت للخدم  اجازة   وارسلت زوجها  لياتى بالسجاير من  طيبة  وانتو تعرفون اين تقع طيبة  ,,,,

-        المشهد الثانى

-         

-        دخل يوسف القصر  وها هو اصبح شاب يافع ,,,  ومش واخد خوانة ان زليخة ناويه له على نية سودة ,,,  وبدخول يوسف عليها اخذ قلب زليخة يدق بعنف لدرجة  ان  صوت قلبها  سمعه يوسف  ,,, فقال فى نفسه  ربنا يستر  ,,,,  وفجأة قامت  زليخة  واقفلت الابواب  ,,, وطبعا  لم يكن توجد اقفال او  كالونات  للابواب,, ولا يستطيع احد فتح الابواب من الخارج  ,,, اللى عايز  يخش يخبط ,,, واقتربت منه  ,,,, وبدل ما كان قلب واحد بيدق اصبحوا قلبين ,,, التصقت به وهو يبعد ,,, ويقول لها  ( بلاش كدة يا ست هانم احسن حد ييجى ) وترد وتقول له ( متخفش يا حبيبى  البيبان مقفوله من جوة ,,, وراح يجيب السجاير هوه )  واخذت تدفعة  ناحية الاريكة حتى اوقعته على الاريكة ,,, واخذت تداعبه فى الاماكن ( -------) ,,,  وهمت به ويالاهوى ,,,, اشتعلت النيران  وهم بها ويالاااااهوى ,,, ده برضة بنى ادم مش حجر  ,,,, وعندما وجد نفسه سينهار  ,,, والعملية ستصل للدمار ,,, وهى مصممه وباصرار ,,,, تماسك نفسه ,,, واستعمل قوة شبابه والقى بها بعيدا  وجرى ناحية الباب ,,, وقامت زليخة غاضبة  وهى  تتمتم  غيظاً ,,, وتقول ( تعالى هنا انت رايح فين ؟؟؟ دنا هــــــــــــــــــــــــ  ) ,,, وتمسك بلياقة قميص يوسف فتتقطع  ( الكتان المصرى كان تايك )

-        المشهد الثالث

-        يدخل فوتيفار صاحب البيت من الباب ممسكا بالسجائر  وكيس لب     ( كيف انفتح الباب  المغلق من الداخل بالترباس الخشبى  محدش يسألنى  مش انا المخرح  ,,, انا السنارست فقط )

-        ويجد امامه منظر فظيع   ,,,, يوسف مرعوب  ,,, وزليخة شعرها منكوش  ,,,, والمكياج مبهدل الدنيا ,,, وسامع صوتها بتزعق ,,, طبعا  وقف للحاظات يتفرج على المنظر  ,,, زليخة ماسكة حتة خلقة  فى اديها  ,,, ودخلت على جوزها  وهى بتكمل زعاق ( انت جبت الواد ده منين ؟  ده لازم يتربى  ,,, يرضيك ياخويا يحاول يعتدى علية وعايز يغتصبنى  ,,, الله يخرب بيتك ( الكلام ده ليوسف ),,, انت لازم تحبسه  وتادبه (   الكلام ده لجوزها ),,,,

-        المشهد الرابع

كبير القعدة 

-        جلسة عرفية  شيخ القصر قاعد وشوية وزرة عاملين محكمة  وكل ده فى القصر  س سؤال  ما هى اقوالك يا يوسف ,,,, ج جواب  ,,,, كل دة وواحد بيكتب الجلسة

-        يوسف قال   ,,,, هى السبب انا مليش دعوى  انا هحكى الحكاية  وانتوا تحكموا ,,,, وحكى اللى  شفناه من شويه  ,,,,  طلع واحد قريب لزليخة وقال  ,,,, لو القميص مقطوع من ورى كده يوسف يبقى برئ   ,,,,   لف ورينى القطع فين 



,,, لف يوسف  ملقيوش اللياقة ( لياقة القميص )  ,,  فقال  رئيس الجلسة  ,,, وهو يهز رأسه  ويقول مراتك يا فوتيفار  بنت كلب هى اللى غلطانه روح ربيها ,,,  فوتيفار  قال ليوسف  ,,,  ياريت تنسى الموضوع ده ,, واكفى على الخبر ماجور  

 

ياريت تنسى الموضوع ده ,, واكفى على الخبر ماجور
وتركهم  فوتيفار وراح لزوجته  الدلوعه  وعندما دخل عليها  عملت مكسوفه ,,, فوقف امامها  وقال بحزم وعنف

 
بصّى بقى انتى غلطانه

 ,,,, بصّى بقى انتى غلطانه  ,,, قومى استغفرى   وخدى لكِ ركعتين  عشان رع  يسمحك   ,,, ضحكت زليخة  وقالت له  الصبح عشان رع نايم ولما يشرق بكرة هستسمحه

-        المشهد الخامس

        

-        فى احد اندية هيليوبلوس  بالمدينة  ,,, الاطفال تلعب الحجلة او تلعب الاولى ,, واخرين يلعبون الكبة  او السيجة  ,,, وامهاتهم يجلسون فى مجموعات  على العشب  ,,,, واحدة تقول للاخرى ,,,, اسكتى مش زليخة اول امبارح كانت هتودى الواد اللى شغال عندها فى دهية  ,, قالت الاخرى .. ياساتر يا رع ازاى ؟,,,ردت الاولى,, قال ايه دخل عليهم جوزها  المنيل  لقيهم  متلخبطين  ,,, وزليخة اول ما شافت جوزها قالتله  ان الواد ده كان عايز يعملى حاجة وحشة  ,,  الواد قال هى اللى كانت هتعملى الـــ  حاجة الوحشة  ,,,  المهم مطولش عليكى  ,, اخدوا الواد وعملوله محكمه  ,,, والتحقيق اسفر عن ان الواد مظلوم  ,,, تصدقى يختى انا كنت شكة فى الست دى ,,,,  ردت عليها  ,,, وعرفتى منين الاخبار دى ؟,, ردت  الست الاولانية  ,,, مش جوزى شغال فى القصر  هو انا مقولتلكيش  ,,,   وجوزى يختى حضر المحكمة  وجه حكالى  ,,, قالت الاخرى ,,, يخرابى ده موضوع سقع  ,,, يله ننم عليها  تعالى نروح لشوية النسوان اللى هناك  ,,,  ضحكت الاولانيه  وقالت لها ,,,,,,,,,,, منا قلتلهم .

-        المشهد السادس

-        صباحا  زليخة فى القصر بتاكل فى نفسها ,, وهى تقول ,,, لازم اوريهم  النسوان دول ولاد الجذمة ...  نادت  احد الخدم  ,,  وقالت له  خذ الحمار  واذهب الى المدينة مسرعا  وانت تعرف بيوت كل الوزراء  وكل مرات وزير قول لها زليخة عمله حفلة عيد ميلادها   ولازم تيجوا النهاردة  بعد الظهر  اوعى تنسى واحدة منهم ,,, الخادم قال سمعا وطاعة وخرج  

انا هوريهم

اما هى  فاستراحت بعض الشيئ وبدأت تفكر فى اعداد الحفلة,,, وهى تقول فى نفسها  ,,, كلهم سيأتوا انا عرفه النسوان دى عايزين يشمتوا  ,, انا هوريهم  ,,, وهو يوسف موجود ,, جوزى   سيبه فى القصر,, انا مشفهماه الراجل ده  سيبه ازاى معايا وهو عارف الحقيقة ,,, يا اما جوزى ده مش  يا اما مش  مفيش وصف تانى  ,, المهم  لازم اسبوك المقلب

-        المشهد السابع
مجدى dd.dy

-        نسوة كثيرة جالسة حول مائدة  وامام كل واحدة طبق فيه فاكهة وسكين مع كل طبق ,,, وفجأة جاء المخرج  وامر النسوة بامساك السكاكين  وواحدة من الفاكهه ,, وقال كلاكت هنصور  وبدأ  التصوير  ,,,, زليخة  دخلت ورحبت بالنساء  وبحركة مسرحية  قالت ادخلوا يوسف 

ودخل يوسف فى ابهى صورة  ,,,, وحسب تعليمات المخرج  يجب على النسوة  عند رؤية يوسف ان يقطعن ايديهم كلهن معا  والا سيعيد التصوير   ,,,ويتم التصوير من اول مرة  وينجح المشهد ,,, والنسوان تتعور يا حرام ,,, بجد اثر فيه المشهد ده  اكاد ان ابكى 

-        ونكمل المشاهدة  ,,  نسمع اصوات  تأوهات , واستحسان  ,,, واو   ,, ايه الجمال ده  ,,, لأ مش ممكن  ,,,   والسكاكين تمذق فى الايادى وهم لا يشعرون  ,,,مأساة  ,,, المنظر مألم 
  ياساتر يا رع

-        وقفت زليخة  شامته مبسوطة  وقالت لهم  والنسوة مش وخدين بالهم من كلامها ,,, مشغولين بيوسف   ,,, قالت ,,,,

-           فذلكنَّ الذي لُمْتُنَّنِي فِيهِ وَلَقَدْ رَاوَدتُّهُ عَن نَّفْسِهِ فَاسَتَعْصَمَ وَلَئِن لَّمْ يَفْعَلْ مَا آمُرُهُ لَيُسْجَنَنَّ وَلَيَكُوناً مِّنَ الصَّاغِرِينَ

-        ينهار ابيض دى مصممة لسة على اللى فى دماغها

-        المشهد الثامن

مش عارف اعمل ايه

-        زوج زليخة العزيز فوتيفار    مهموم بين رجال القصر ,,, واخذ يشكى ويقول  ,,, مش عارف اعمل ايه فى المرأة دى,,,  دى مصممه تاكل الواد  ,,, وشوية تقولى احبسة ,,, وترجع وتقولى سيبة فى القصر ,,, بصراحة انا احترت معاها ,,, ولما اضغط عليها تتصرع والجن اللى عليها  يحضر ويبهدلنى  ويضربنى ,,,  بصراحة انا تعبت

احنا هنريحك من الموضوع دة

     رد احد الموجودين ,,, احنا هنريحك من الموضوع دة ,,,  هنحبسه ونقول لها ان الملك عرف بالموضوع وامر بحبسه .

-        وتم حبس يوسف

-        المشهد التاسع

-        مرت الايام والسنين ويوسف فى الحبس  ,,, وحلم الملك  حلم   كلنا عارفين حكايته  ويوسف فسر الحلم  والملك اعجب بيوسف فاحب ان يعرف حكاية النسوة وزليخة مع يوسف ويحقق فيها  لان يوسف  كان محبوس بسببهم ,,, واحب الملك ان يتأكد من برأة يوسف 

المشهد فى قصر المللك  وقد تم استدعاء زليخة والنسوة 

  وسأل الملك النساء  و     قَالَ مَا خَطْبُكُنَّ إِذْ رَاوَدتُّنَّ يُوسُفَ عَن نَّفْسِهِ   ,,,, النساء  حصلهم رعب  ,,, الملك يتهمهم كلهم  بانهم  تحرشوا بيوسف ,, وحاولوا اغتصابه ,,, واحدة منهم قالت ينهار اسوح  رحنا فى داهية   ,,,   ولكن زليخة طلعت جدعه  وقالت للملك  ,,,  الآنَ حَصْحَصَ الْحَقُّ أَنَاْ رَاوَدتُّهُ عَن نَّفْسِهِ وَإِنَّهُ لَمِنَ الصَّادِقِينَ ,,,, اترجملكم كلمة حصحص  ماخوذه من فعل حصحص  ,,, وحصحصوا معايا ,,, حصحص الحق  اى ظهر الحق 

مجدى dd.dy

-        المهم  اللى انا عرفته  من جهات مسؤولة فى قصر العزيز  فوتيفار ,,, ان زليخة يوم  حفلة عيد ميلادها  واللى اتقطعت فيها ايادى النسوان ,,,, بعد ما خلصت الحفلة زليخة طلّعت اشاعة  بان كل النسوة  تحرشوا بيوسف  وحاولوا اغتصابه   ,,, لذلك فالملك كان يحقق  بناء على هذه الاشاعة  ,,, وزليخة  خافت ان الملك  يعرف الحقيقة  فيعاقبها  ,,,  فقالت الحقيقة ,,, واكملت لتبرء نفسها امام زوجها   وقالت ,,,, ذَلِكَ لِيَعْلَمَ أَنِّي لَمْ أَخُنْهُ بِالْغَيْبِ وَأَنَّ اللّهَ لاَ يَهْدِي كَيْدَ الْخَائِنِينَ ,,, واخدين بالكم من كلام الكذابة  ,,,, تقول الله  والمفروض تقول رع 

فيه حاجات انا قلتها زيادة عن النص الاصلى لحبك المشاهد

-        المهم عدّت الليلة على خير

-       النهاية
مجدى dd.dy

-        اللى عايز اوضحة ان القصة القرآنية بالكامل غير منطقية  ,,,ووضعت لكم الايات  القرآنية التى تخص هذه المشاهد اسفل الموضوع ,, للرجوع اليها .

-         مين فتح الباب  المغلق ؟ ( عارف فية تفسيرات  وتبريرات )

-        ازاى فى توقيت واحد كلهن يقطعن ايديهن   ,,  مفيش خمسة سته  ممسكوش السكاكين ؟ كلهم كانوا مستعدين؟   ,,,اسلوب ساذج فى معالجة الموضوع,,, وكأنه يحكى حكاية لمجموعة  اطفال ليسليهم  حتى لا يعملوا دوشة ,,, وكأن   القران  يتعامل مع بشر ليس لها عقول تميز بين الممكن والمستحيل

-          وبعدين الانسان لما بيشوف شئ مدهش بيبلم ويتيس ومبيعملش حاجة  غير انه يبلم فقط

-        غير الانسان السرحان  ممكن يقطّع نفسه ومايخدش باله ,,,  المفاجأة  تخلى السرحان يفوق 
  فوقوا  يرحمكم الله

-         

-        واخيرا هل القدماء المصريين كانوا يعبدوا الله ؟ ,,, حتى تقول زليخة   ,,, وَأَنَّ اللّهَ لاَ يَهْدِي كَيْدَ الْخَائِنِينَ ؟
وبالبحث وجدنا نفس السيناريو الموجود فى القران و بنفس الافكار موجود فى

 التلمود اليهودى  الذى هو كتاب غير مقدس   ومن كتاب يسمى سفر ياشر وهو ايضا  كتاب غير مقدس  ,,, انهم يسرقون اساطير الاولين

مع تحياتى   

مجدى dd.dy

النص الاصلى  آيات القران

وَلَمَّا بَلَغَ أَشُدَّهُ آتَيْنَاهُ حُكْماً وَعِلْماً وَكَذَلِكَ نَجْزِي الْمُحْسِنِينَ{22 وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الأَبْوَابَ وَقَالَتْ هَيْتَ لَكَ قَالَ مَعَاذَ اللّهِ إِنَّهُ رَبِّي أَحْسَنَ مَثْوَايَ إِنَّهُ لاَ يُفْلِحُ الظَّالِمُونَ{23 وَلَقَدْ هَمَّتْ بِهِ وَهَمَّ بِهَا لَوْلا أَن رَّأَى بُرْهَانَ رَبِّهِ كَذَلِكَ لِنَصْرِفَ عَنْهُ السُّوءَ وَالْفَحْشَاء إِنَّهُ مِنْ عِبَادِنَا الْمُخْلَصِينَ{24 وَاسُتَبَقَا الْبَابَ وَقَدَّتْ قَمِيصَهُ مِن دُبُرٍ وَأَلْفَيَا سَيِّدَهَا لَدَى الْبَابِ قَالَتْ مَا جَزَاء مَنْ أَرَادَ بِأَهْلِكَ سُوَءاً إِلاَّ أَن يُسْجَنَ أَوْ عَذَابٌ أَلِيمٌ{25 قَالَ هِيَ رَاوَدَتْنِي عَن نَّفْسِي وَشَهِدَ شَاهِدٌ مِّنْ أَهْلِهَا إِن كَانَ قَمِيصُهُ قُدَّ مِن قُبُلٍ فَصَدَقَتْ وَهُوَ مِنَ الكَاذِبِينَ{26 وَإِنْ كَانَ قَمِيصُهُ قُدَّ مِن دُبُرٍ فَكَذَبَتْ وَهُوَ مِن الصَّادِقِينَ{27 فَلَمَّا رَأَى قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ إِنَّ كَيْدَكُنَّ عَظِيمٌ{28 يُوسُفُ أَعْرِضْ عَنْ هَـذَا وَاسْتَغْفِرِي لِذَنبِكِ إِنَّكِ كُنتِ مِنَ الْخَاطِئِينَ{29 وَقَالَ نِسْوَةٌ فِي الْمَدِينَةِ امْرَأَةُ الْعَزِيزِ تُرَاوِدُ فَتَاهَا عَن نَّفْسِهِ قَدْ شَغَفَهَا حُبّاً إِنَّا لَنَرَاهَا فِي ضَلاَلٍ مُّبِينٍ{30 فَلَمَّا سَمِعَتْ بِمَكْرِهِنَّ أَرْسَلَتْ إِلَيْهِنَّ وَأَعْتَدَتْ لَهُنَّ مُتَّكَأً وَآتَتْ كُلَّ وَاحِدَةٍ مِّنْهُنَّ سِكِّيناً وَقَالَتِ اخْرُجْ عَلَيْهِنَّ فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلّهِ مَا هَـذَا بَشَراً إِنْ هَـذَا إِلاَّ مَلَكٌ كَرِيمٌ{31 قَالَتْ فَذَلِكُنَّ الَّذِي لُمْتُنَّنِي فِيهِ وَلَقَدْ رَاوَدتُّهُ عَن نَّفْسِهِ فَاسَتَعْصَمَ وَلَئِن لَّمْ يَفْعَلْ مَا آمُرُهُ لَيُسْجَنَنَّ وَلَيَكُوناً مِّنَ الصَّاغِرِينَ{32 قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ وَإِلاَّ تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ{33 فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ{34 ثُمَّ بَدَا لَهُم مِّن بَعْدِ مَا رَأَوُاْ الآيَاتِ لَيَسْجُنُنَّهُ حَتَّى حِينٍ{35

بعد مرور عدة سنين

وَقَالَ الْمَلِكُ ائْتُونِي بِهِ فَلَمَّا جَاءهُ الرَّسُولُ قَالَ ارْجِعْ إِلَى رَبِّكَ فَاسْأَلْهُ مَا بَالُ النِّسْوَةِ اللاَّتِي قَطَّعْنَ أَيْدِيَهُنَّ إِنَّ رَبِّي بِكَيْدِهِنَّ عَلِيمٌ{50} قَالَ مَا خَطْبُكُنَّ إِذْ رَاوَدتُّنَّ يُوسُفَ عَن نَّفْسِهِ قُلْنَ حَاشَ لِلّهِ مَا عَلِمْنَا عَلَيْهِ مِن سُوءٍ قَالَتِ امْرَأَةُ الْعَزِيزِ الآنَ حَصْحَصَ الْحَقُّ أَنَاْ رَاوَدتُّهُ عَن نَّفْسِهِ وَإِنَّهُ لَمِنَ الصَّادِقِينَ{51} ذَلِكَ لِيَعْلَمَ أَنِّي لَمْ أَخُنْهُ بِالْغَيْبِ وَأَنَّ اللّهَ لاَ يَهْدِي كَيْدَ الْخَائِنِينَ{52}