صعبان علىَّ يا بلد
صعبان علىَّ يا بلد عيالك ينهشوا فيكى
قدّام الخلق والبشر يجرّحوا ويقطّعوا فيكى
والله معرفتيش ترَبى والله وبحلف برَبى
لو مطلعش منك ولد يربى عيالك
ويحميكى
هتكونى ثكلى لولادك والعدا
يشمتوا فيكى
مين يرضى لامه المَهانة مين
يرضلها تنام جعانه
اكيد دول مش عيالك دول عدا
عايزينك مُهانه
دول حُسالة دول وباء دول غبائهم مالوش ديانة
احنا بلد الاصاله .. احنا اقدم حضارة
انا اول من مسك القلم
والبردى يشهد
انا اول من نحت الحجر
واثارى تشهد
انا اول من بنى الهرم
واهرامى تشهد
واهى جات لنا الفرصة ... نرّجع
سيرتنا ... من تانى
ليه ليه يا همج ... تعطلوا
مسيرتنا ... احنا بنعانى
صعبان علىَّ يا بلد عيالك ينهشوا فيكى
انا بقول للاخوان والفلول ... انتو اصلا مش مننا
ولا تعرفوا ايه الاصول .. ياريت
ترحلوا عن ارضنا
انتم اعادى .. مابتحبوش بلادى
انتم احط من الصهاينة
ما طمرش فيكم خيرها.... ولا ميه نيلها
وعمركم ما كنتم ... من ناسها
المؤمنة
انتم حُسالة ..عايشين عوالة
على شعب حضارتة متأصلة
صعبان علىَّ يا بلد عيالك ينهشوا فيكى
قدّام الخلق والبشر يجرّحوا ويقطّعوا فيكى
والله معرفتيش ترَبى والله وبحلف برَبى
لو مطلعش منك ولد يربى عيالك
ويحميكى
هتكونى ثكلى لولادك والعدا
يشمتوا فيكى
منقول
ليست هناك تعليقات:
إرسال تعليق