عكاشة ابن البكاشة 3
مجدى dd.dy
البكش ده صنعه , حبيت امارسة لقيته صعب جدا
وديما الانسان يحب يتفرج على الناس اللى تملك موهبة لاتوجد عندة
والموهبة دى مش عندى لكن لاقتها عند عكشة بية
فادمنت الفرجة عليه
تقريبا حد له بركات دعى عليه وقاله ( ربنا يفرج عليك خلقه )
5 تلاف موضوع يربطهم فى بعض ازاى متعرفش
يربط اسرائيل مع البط مع علم النفس مع الانحباس الحرارى والبولى والفولى بول
( الفاء عليها ثلاث نقط محدش يفهمنى غلط )
المهم يعمل كوكتيل كبيييييير يتكلم عنة بالساعات وفى الاخر
كل اللى يحضروا الموضوع يطلعوا على مفيش
محدش فهم حاجة ,,,,,,,,,, عكشة نفسه ميعرفش هو بيتكلم على ايه
عايزنا احنا نفهم ؟
بس حقيقى اشعر من كلامة بمتعة ونرفزة وسعادة وحزن
ومشاعر ملخبطة
وبحس بحاجة خطيرة مش عارف ان كان هذا الاحساس عندى انا بس
ولا عند كل اللى بيحضروا كلام عكشة ؟
نسيت اقولكم الاحساس الخطير , بحس انى عايز اقوم واكسر التليفزيون والبيت والعفش
.jpg)
.jpg)
اه وحاجة تانية اقوم اضرب فى الاولاد
مجدى dd.dy
26/ 2/2012
ليست هناك تعليقات:
إرسال تعليق