كارت ارهاب سعودى لكل من يفكر باللعب معها ::: مجدى dd.dy

كارت ارهاب سعودى لكل من يفكر باللعب معها

مجدى dd.dy

كارت ارهاب سعودى لكل من يفكر باللعب معها من اوروبا او من اى دولة اخرى

كندا احبت تلعب لعبة امريكا مع دول الشرق الاوسط فى موضوع حقوق الانسان فصاغوا بيان معجبش السعوديين

اوم ايه ؟؟؟ السعودية ما سكتتش وردت رد قاسى وعملى وكانها بتقول عليا وعلى اعدائى

 فأيه ؟؟؟ سحبت الطلاب السعوديين من كندا وده يحرم كندا من دخل كبير جدا لان الطلبة السعوديين يصرفون ببذخ

وكمان ايه ؟ سحبوا مرضاهم من مستشفيات كندا وبعتوهم لدول اخرى
ده غير انهم سحبو استثمارات وحاجات تجعل الكناديين يندموا على انهم هوشواالفهد ببيان مالوش لزمة

 اوم ايه ؟؟؟ الفهد كشر عن انيابه
ومن المعروف ان كندا تعتبر خدام امريكا تحابى امريكا والملك السعودى دمه حامى ما حطش اعتبار لامريكا وعمل اللى عمله
واللى عمله به رسالة لامريكا ترامب وكونجرس ترامب بانه ممكن اعملها معاكم يا امريكان لو حبكت لظروف ومعجبنيش الوضع هلغى كل الاتفاقات والمعاملات واحنا وانتوا خسرانين واضربوا رأسكم فى الحيط

اصل
امريكا والسعودية يتعاملون بحذر شديد ويتغاضون عن مواضيع كثيرة شائكة بينهم
فالاستثمارات السعودية فى امريكا استثمارات ضخمة ,,, والاموال السعودية المودعة فى البنوك الامريكية لو تم سحبها انهار الاقتصاد الامريكى
والسعودية تخاف ان تجمد امريكا هذه الاموال ومن الحصار الاقتصادى والعقوبات 

لكن خوف السعودية لا يمنعها ان ترد

 يمكنها ان تقطع البترول عن امريكا وعن من يقف فى صف امريكا مثل ما  حدث فى حرب 73

وخاصة ان ايران ستشجعها وهذا ما سيحدث فى يوم قريب خلال 50 سنة القادمة 

المهم

 البروفة التى قامت بها السعودية مع كندا ما هى الا كارت ارهاب معتبر يجعل كل الدول لا تخرج لسانها من فمها باى كلمة
يعيش ملك السعودية الحمش ويعيش السيسى عرف يربى رجالة ترد وقت الجد

مجدى dd.dy
10 اغسطس 2018
-

-

صفحتى على الفيس بوك

https://www.facebook.com/magmwr.mind

-

-