الارهابيين المؤمنين هنوديهم الجنة
على حسابنا
مجدى dd.dy
الارهابيين مش هيخلصوا من مصر
طالما حكومتنا عاملة حساب للتنظيم الاخوانى
وماماتنا وباباتنا الامريكانى
عايزين نبطل طبطبة دى ارواح بتروح
والارهاب مابيطبطبش , ده بشبانا بيبطش
وياريت الارهاب بيقل ده بيذيد
ومصممين انها لشبابنا تقتل
مش عارف نستنى لغاية مانوصل لحد كام شهيد ؟
هما اللى راحوا مش كفاية ؟ نستنى شوية ؟ ولا هنتعود ؟
ونزعل لما محدش يرهبنا ,,, ويقتلنا
وطبعاً احنا مش احسن من غرنا
هو احنا احسن من العراقيين ولا من السوريين
ما ناسهم بتموت وهم عايشين
هتفرق ايه ؟؟ محنا اصلا ميتين
يا الله نخلى الارهابيين يروحوا الجنة
لا مننا ولا كفاية شرنا ؟
لا نديهم فرصة لتطبيق شرعهم ؟
و احنا بالنسبة ليهم ما بنطبقه ؟
هما شيفنا كفرة ,,, وقتلنا يزودهم حسنات
ليه نحرمهم ؟؟؟
نديهم فرصتهم
ويقابلوا حورياتهم
ونكسب فيهم ثواب
يمكن بكده على الجنة نحصلهم
مش بتريق بتكلم جد
وحاسس ان ده هو تفكير حكوكتنا
ندي الارهابيين المؤمنين الفرصة
وعلى قفاهم ناخد فرصتنا
المهم كل المصريين عقلاء وارهابيين
يدخلوا الجنة وانسى
مستقبل البلد
بلد مين ؟؟؟
مستقبل ابناء الوطن
ابناء مين ؟؟؟؟؟؟؟؟
دحنا اعظم شعب من المجانين
اقصد المتخـــــــ
نسبهم يقتلوا فينا
والخلاص منهم سهل وملك ادينا
ومش هنخلص عليهم
عشان احنا مؤمنين
مجدى dd.dy
3 نوفمبر 2014
-
-
ليست هناك تعليقات:
إرسال تعليق