احنا ناس خرعة
لية احنا ديما فى حالة رد فعل
نستنى الكارثة عشان نرُد
فى كل حاجة محتاجة حل
نكسل نحلها ,,, نسبها تستوى وتنضج وتخلف
وبدل ما كنا هنحلها لوحدها نحتاج نحلها مع خلفتها
ونطنش لغاية ما تكبر المشكلة وتبقى ملهاش حل خالص
قلنا جه السيسى وهيحل كل المشاكل
بس اللى انا شايفه بيحل كتير بس ببطء
والمشكلة مش فيه ,, المشكلة فى اللى حواليه
هما خمسة ستة شغالين بضمير والباقى صور فرحانة بشبابها ومأنتخة
لكن المشكلة الكبيرة وهى الارهاب فى ايد السيسى لوحده
ولازم يعمل حاجة محسوسة
ان كان فى سيناء او فى باقى المحافظات
لازم يُفعّل قانون المظاهرات وقانون الارهاب
ويقبض حتى لو بالاشتباه على كل مخرب وارهابى
نفسى افهم هو سايب ليه اللى بيطلعوا مظاهرات رافعين راية رابعة ؟
مش دول اخوان ,, واحنا معتبرين الاخوان ارهابيين ؟
ولا احنا الغينا قرار ان الاخوان منظمة ارهابية ؟
ولا تحالف دعم الشرعية واللى مسمين نفسهم طلبة ضد الانقلاب
ما هم دول اخوان ولا انا متهيألى يا جدعان ؟؟؟؟
حد فى الدولة يقولى ايه الموضوع بالظبط ,,
ليه سايبين الحبل على الغارب لكل واحد عايز يعمل حاجة بمزاجة
فين القوانين ؟؟؟؟
ولا خايفين تتملى السجون وماتلقوش ليهم اكل ؟؟
احنا عايزين محاكمات عسكرية على السريع
لا تأجيل ولا دياولوا
المدان اما يتحبس او يُعدم ونخلص من المشكلة دى
هو قرار رئاسى بالاحكام العسكرية قبل ما يجى مجلش شعب اخوانى يفرج عن الاخوان
الوضع اللى انا شايفه من تسيب وبطئ من الدولة هيعطى الفرصة للمتأسلمين السيطرة على مجلس الشعب اللى جاى ,,,, يعنى كأنك يا ابو زيد ما غازيت
وربنا يستر والمسئولين فى مصر يتحركوا بسرعة
مجدى
ليست هناك تعليقات:
إرسال تعليق