موضوع الدخان اللى اتكلمت عنه فرنسا فى الطائرة المنكوبة ماخشش دماغى ::: مجدى dd.dy

موضوع الدخان اللى اتكلمت عنه فرنسا فى الطائرة المنكوبة 
ماخشش دماغى

مجدى dd.dy

الخبر بيقول 
{{ واشنطن - فرانس برس
أكدت هيئة سلامة الطيران الفرنسية رصد دخان على متن الطائرة المصرية، متحدثة عن إشارات أوتوماتيكية صدرت عن الطائرة لدقيقتين. وأتى هذا التأكيد بعد بلبلة أثارتها وسائل إعلام أميركية أشارت إلى وجود معلومات من مصدر قريب من التحقيق تفيد بتصاعد دخان من قمرة الطائرة قبل دقائق قليلة من سقوطها في المتوسط.  }}

طيب الاشارات الاوتوماتيكية دى اللى وصلت هيئة سلامة الطيران الفرنسية 
الاشارات دى ما بعتتش اى حاجة عن اى حاجة غير الدخان بس ؟؟؟؟؟
وايه لمدة داقيقتين ,, ودى مش مدة صغيرة

دى مدة معقولة تلفت انتباه المتابعين ,,,, ولم نعرف هذه المعلومة الا بعد مرور يوم كامل على سقوط الطائرة 
هل هذا اهمال ام انها اخبار مفبركة

وتانى حاجة فى الخبر ان وسائل اعلام امريكية عن تصاعد دخان من قمرة القيادة فى الطائرة قبل سقوطها فى المتوسط 
عايز افهم اللى جابوا الخبر دة بهذه التفاصيل معرفوش مكان سقوط الطائرة ازاى ؟
من كلام المصدر المقرب من التحقيق انه شافوا الدخان يصدر من قمرة القيادة ومش من اى مكان فى الطائرة ,,, يعنى قدروا يشوفوا فيديوا ما لمراحل سقوط الطائرة

بس فيه حاجة غريبة 
الطائرة الروسية المنكوبة فوق سيناء سمعت برضة كان فى دخان بالقرب من الحمام 
مش عارف ايه موضوع الدخان ؟؟ ,,,,, الطائرات مالها بدخن ليه ؟؟؟؟
برغم اننا كلنا عارفين ان التدخين ضار جدا ..... وادى النتيجة

مجدى dd.dy
21 مايو 2016
-
-
-