هل انور السادات كان اخوانياً ؟! ::: مجدى dd.dy

هل انور السادات كان اخوانياً ؟!

هل تعلمون ان السادات ساهم فى تأسيس تنظيم القاعدة ؟

وبعد انتهاء مهمتهم فى أفغانستان رجعوا مصر وقتلوه

وكانت نهاية الرئيس المؤمن بيد المؤمنين

 انى أتكلم عن الإخوان

يوجد خبر فى جريدة الأهرام على الصفحة الأولى من ايام ما كانت جريدة الاهرام بــــ 30 مليم

وللاسف نظرى مجبش تاريخ الجريدة

ونص الخبر بالبنط العريض   

{{ السادات للثوار الأفغان :

سنقف معكم بكل ما فى الاسلام من قوة }}

 وتحتها مكتوب

{{ السادات هو الزعيم الوحيد الذى تعهد بتقديم المساعدات لشعب افغانستان }}

واسفلها مكتوب

{{ نداء الى دول العالم لمساعدة المجاهدين }}

وفى نفس الصفحة خبر صغير ناحية اليمين يقول :

{{ رسالة من السادات لشعوب العالم لمساعدة افغانستان }}

 ودى صوره الجريدة  

انا مش بألف

~~~~~~~~~

التاريخ لا يرحم ولا ينسى

والله يمهل ولا يُهمل

فما نزرعه إياه نحصده

مجدى dd.dy

30 يناير 2015

-

نريد حركة تمرد عاجلة نحن فى خطر:::: بقلم : مجدى dd.dy

نريد حركة تمرد عاجلة نحن فى خطر

مجدى dd.dy

بعد عملية العريش القذرة أمس هيستخبى الإخوان زى الفيران

هما عرفوا ان الشعب المصرى فى حالة غليان  , شعباً وجيشاً وشرطة

عملية العريش بجانب ما حدث منهم خلال الأيام الماضية فى ذكرى ثورة 25 يناير  من تفجيرات وحرق وتدمير سيحرك الشارع المصرى الغاضب بكل فئاته ضدهم

ومن يتجرأ منهم بالتحرك سيلاقى العنف من أفراد الشعب قبل رجال الشرطة والجيش 

ما قاموا به من غدر وخيانة للشعب المصرى لا يمكن السكوت عليه

 وان أراد السيسى تفويض بالخلاص من هؤلاء الأوغاد  فليعلن  وكلنا سنفوضه , ونقوم بعمل توكيلات لينفذ ما نريد 

نحن فى اشد الاحتياج لحركة تمرد جديدة

نحن فى احتياج لثورة جريئة ضد من يرهبوننا

مررنا بثورتين ضد اشخاص , ماذا يمنع من قيامنا بثورة ثالثة ضد من يقتلوننا

الكل سيوقع  لازالة الحرج عن رئيسنا  أمام المجتمع الدولى

ليقود الثورة الاخيرة   

((( الشعب يريد القضاء على الارهاب )))  و ((( الارهاب هم الاخوان )))

تحرك يا شعب دافع عن نفسك ,,,, انهم يقتلون أبنائنا ويحرقون ممتلكاتنا

ويتمنون موتنا  بل سيصل الحال بهم لقتلنا جميعاً

اصحى يا شعب . الارهاب  وصل لديارنا  , ومخططهم اخطر مما نظن ,,, انهم فى بداياتهم

 والحكمة تقول الوقاية خير من العلاج

مجدى dd.dy

30 يناير 2015

-

-

-

للقضاء نهائياً على الإرهاب فى سيناء ::::: بقلم : مجدى dd.dy

للقضاء نهائياً على الإرهاب فى سيناء

مجدى dd.dy

شيروها وانشروها فى كل الصفاحات والمواقع

رجاء كل من له علاقات وثيقة بأى مسئول فى القوات المسلحة يعرض عليه الفكرة خذوا الفكرة من كتابات المتخلفين

كتبت منذ أكثر من ثمانية أشهر واقترحت موضوع تهجير اهالى شمال سيناء ونشرت الاقتراح بتفاصيله فى كل صفحات الفيس بوك وفى التعليقات ,,

, وبعد سبع أشهُر اخذوا بأقتراحى ونفذوه ونجح فى تحجيم الإرهاب هناك حتى ان ظاهرة مظاهرات الإخوان فى شمال سيناء هناك أصبحت معدومة

لكن الإرهابيين مازالوا موجودين فى سيناء , وكثير منهم يتوافدون من الخارج عن طريق البحر المتوسط  والاحمر وعبر إسرائيل عن طريق جبل الحلال

 وانفاق متجددة من غزة وبعض الأنفاق القديمة الغير مكتشفة

وعمالياتهم القذرة التى تتم على فترات متباعدة تدل على انهم يتحركون بحرية ودخولهم لسيناء يتم بحرية ايضاً .

الحل هو الحصيرة

أمريكا فى أفغانستان قامت بضربة للإرهابيين اسمها الحصيرة على منطقة تورا بورا الجبلية الوعرة ,,,, هذه الضربة عبارة عن أسراب من الطائرات تقوم بإلقاء قنابل تفريغ الهواء التى تقتل كل من يتحصن داخل الكهوف والسراديب والانفاق فى الجبل .

هذا ما اريد من الجيش المصرى القيام به وضرب جبل الحلال

والضربة تكون فى توقيت واحد لا تترك شبر فى هذه الجبال بدون إصابة حتى لا تتاح للارهابين فرصة الهروب فلن نحتاج للمشاة ولا المدرعات .

سنحتاج فقط بعد هذه الضربة لطائرات اباتشى لتصفية الفئران الهاربة من الجحور فقط .

جبل الحلال أصغر من جبال تورابورا الافغانى وتقطنه الجماعات الإرهاب , والمشكلة اننا نتشارك مع اسرائيل فى هذا الجبل , واحبذ ان نطلب من اسرائيل دك الجزء التى تحت سيطرتها من الجبل ,,, فان وافقت  اهلا وسهلا وانى استبعد استبعاد كامل  موافقتها على هذا , فالارهابيين لا يسببون لهم مشاكل بل الادهى ان الارهابيين ينفذون اوامرها فهم على توافق تام وهدفهم واحد وهو كسر الجيش المصرى

وانا على يقين ان اسرائيل ياتيها الارهابيين من تركيا بتمويل قطرى تركى  وتسليح اسرائيلى ويدخلون  سيناء عبر جبل الحلال والبحر المتوسط  وبعضهم وهم قلة من البحر الاحمر  اتين من السودان .

 فلابد من دك جبل الحلال دكا لا نترك شبر بدون تدمير

نعم الحل مكلف وايضاً لا يكفى يحتاج لاعادة الدك على فترات متباعدة , وهنا ستكف اسرائيل بارسال ارهابيين عبر الجبل لعدم جدواهم  

 لكنه حل أكيد لمشكلة الإرهاب فى سيناء .

وقبل عملية الحصيرة

وقبل ذلك يجب حل مشكلة بسيطة وهى إقالة او نقل كل افراد وقادة خفر السواحل او التأكد من ولائهم لمصر  , لان من بينهم يوجد خلايا نائمة تساعد على تهريب الإرهابيين عن طريق البحر المتوسط والبحر الاحمر لداخل سيناء

ولا ننسى العملية النوعية فى دمياط والتى قام بها الارهابيين وتم القضاء عليها من شهور واتضح ان من ساعد على تنفيذها احد قيادات خفر السواحل وكان خلية نائمة

كما يجب الانها الكامل على الانفاق باى وسيلة

واشك بل على يقين بوجود انفاق بين سيناء والارض المحتلة تديرها اسرائيل لتمرير الارهابيين بتمويل تركى قطرى بجانب جبل الحلال  ,, لان الجبل وعر ولا يمكن نقل المعدات الثقيلة من سيارات  ومدافع وصواريخ من خلاله  

الوضع خطر على جيشنا

 العماليات الأخيرة والتى تمت فى العريش والذى راح ضحيتها اكثر من 30 { حسب بعض المصادر} شهيد من جنودنا الأوفياء تدل على ان الإرهاب فى مصر تقف خلفه قوى عظمى تغذيه بالإفراد والمعدات

لان سيناء مازالت مباحة وغير مؤمنة , والثغرات التى يأتى منها الخطر لم تؤمن بعد ولم يتم السيطرة عليها

رجاء انشروها

مجدى dd.dy

30 يناير 2015

-

-

-

مفيش

مفيش

مفيش بلد فى العالم بعض أهلها يحرقون وسائل مواصلاتها ,,,, مفيش بلد فى العالم بعض اهلها يقتلون رجال داخليتها وأفراد من جنودها ,,, مفيش دولة فى العالم بين أهلها يدمرون البنية التحتية لبلدهم من محولات الكهرباء وأبراج الكهرباء ,,, مفيش دولة فى العالم تفجر القنابل بين أهلها انتقاما من اجل رئيس خائن م ,,,, مفيش دولة فى العالم جزء من اهلها إرهابيين يمارسون إرهابهم ضد بلدهم ,,,, مفيش بلد فى العالم بعض افرادها لا يعجبهم شئ ودائماً معارضين لكل شئ ويفرحون فى مصائب تصيب مصر والحجة حقوق الإنسان ,,, مفيش دولة فى العالم هتقدر تتقدم وناس ذى دى عايشه للتخريب والقتل وإسقاط دولتهم

------------------------ مجدى

ثورات جاهزة للبيع ::: مجدى dd.dy

ثورات جاهزة للبيع

 مجدى dd.dy

الجزيرة هى الشركة مصنعه الثورات والراعى الرسمى لها

والأداة الفعالة لصناعة هذه الثورات هى الكاميرا وكثير من الأموال

والجزيرة دائما تعرض خدماتها  لمن يدفع أكثر

ومن الطبيعى لها زبائنها وعملائها

منها أمريكا وتركيا ومخابرات الكثير من الدول وأهمهم  التنظيم الاخوانى الدولى

فكل الثورات التى قامت فى الأقطار العربية   والتى سُميت بثورات الربيع  من تصميم وتنفيذ وإخراج  قناة الجزيرة القطرية

مجدى dd.dy

26 يناير 2015

-

الفشل هيخلى حنفية الفلوس هتتقفل ::: مجدى dd.dy

الفشل هيخلى حنفية الفلوس هتتقفل

مجدى dd.dy

فشل الإخوان فى مظاهرات إحياء ذكرى ثورة 25 كما فشلوا من قبل فى كل مناسباتهم التى اخترعوها لإثبات وجودهم , وهز الاستقرار داخل مصر

وهذا فى حد ذاته كارثة على الإخوان داخل مصر , لان قيادات الإخوان من الخارج  يمولنهم بالمال الوفير ,لتدمير مصر بالتفجيرات والقتل والتدمير المنظم  ,, متخيلين ان هؤلاء المرتزقة الذين داخل مصر يمكنهم التضحية بأنفسهم ,

وما كان من  إخوان الخارج لتحفيز إخوان الداخل على تكثيف عملياتهم التدميرية والتخريبية فى ذكرى الثورة هددوهم بمنع معونتهم وتمويلهم ان فشلوا فى تخريب مصر وقلب النظام .

وها هم فشلوا فشل واضح جدا أنهم  لم ولن يستطيعوا تنفيذ مخططات القيادات  الاخوانية التى تحلم بالرجوع لأرض مصر على جثث إخوان الداخل .

فهل تيأس قيادات الاخوان  وتترك إخوان الداخل يواجهون مصيرهم أمام الشعب المصرى من تجاهل وكراهية ورفض بعد ان فضحوا أنفسهم  أمام هذا الشعب الطيب ,

الإخوان اظهروا للشعب  مدى حقدهم على المصريين  , فعلى مدى  اربع سنوات لم يتوقفوا عن الانتقام من هذا الشعب بتدمير الممتلكات وحرقها , وقتل الرجال والاستعانة بالإرهابيين  .

فخلال هذه الفترة ظهروا على حقيقتهم بشكل واضح للمصريين ولكل  شعوب العالم ,,, إلا هم لم يروا أنفسهم على حقيقتها  فالأموال التى توزع عليهم أعمتهم وقتلت ضمائرهم وحولتهم لعبيد , ويسكتون ضمائرهم ان كان عندهم ضمير  بالأكاذيب التى يشيعها أكابرهم ويقنعون أنفسهم بها ليبرروا أفعالهم المشينة فى حق أهلهم ,, فكم من الأفكار الساذجة  الغبية التى لا تقنع طفل يقتنعون بها  بل ويدافعون عنها وكأنها مُنزلة .

مجدى dd.dy

26 يناير 2015

-

-

ثورة الثلاث الايام البيضاء ::: مجدى dd.dy

ثورة الثلاث الايام البيضاء

مجدى dd.dy

من يحلل احداث ثورة  25 يناير 2011  تحليل متأنى  سيكتشف العجب من تقلبات فى مراحلها ,,, والغريب ان هذه التقلبات كانت متسارعة بصورة تؤكد ان هناك ايدى خفية تستغل المواقف حسب اهدافها .

الثورة بدأت من خلال برامج التواصل الاجتماعى على  الشبكة العنكبوتية ,,, واستجاب الشباب والنشطاء للدعوات التى كانت دعوات تحمل خبث ودهاء وتلاعب من قوى خارجية لها اهدافها وتم تلبيس هذه الدعوات ثوب من المبادئ التى لا يمكن رفضها  ( عيش حرية كرامة انسانية ) .

وما ساعد على هذه الاستجابة القوية للثورة وضع البلد المتردى اقتصاديا واجتماعيا واستقرار هش ينخر فى اساس المجتمع .

ونعود لتسلسل أحداث الثورة

استجاب الشباب للثورة  وخرجوا فى سلمية تامة لا تشوبها شائبة تنادى  بشعار الثورة .

ثلاث أيام من ثورة بيضاء مرحة تضم , أطفال وشباب  , رجال ونساء , محبين وعشاق , باعة وعاطلين .

وملئوا الميادين بالغناء والرقص وكأنها احتفالية وليست ثورة .

وكان اختيار يوم عيد الشرطة ليعلنوا رفضهم للقمع .

حتى جاء يوم 28 يناير الأسود ودخول الإخوان لتنقلب الثورة البيضاء لثورة حمراء , من ثورة سلمية لثورة دموية .

وتم سحب البساط من تحت  الشباب  الثائر ليقود الثورة قادة الإخوان  وأتباعهم , والشباب انساقوا لهم كأنهم منومين مغناطيسا

وبعد 18 يوم  تم خلع مبارك

مجدى dd.dy

26 يناير 2015

-

ازدراء الاديان ::: مجدى dd.dy

ازدراء الاديان

مجدى dd.dy

أحمد عبدالله أو أبو إسلام الذى وقف أمام السفارة الأمريكية وقام بتمزيق الإنجيل ودعا للتبول عليه، وأكد خلال مداخلة فضائية مع الإعلامية ريهام السهلي في برنامج «تسعين دقيقة» على قناة المحور، ومع الإعلامية والصحفية دينا عبدالفتاح بقناة المحور إنه «لا يوجد على وجه الأرض ما يسمى بالإنجيل، والموجود هو كتاب محرف، وأن ما قام بتمزيقه كان كتاب الإنجيل الخاص بالأمريكان وليس الإنجيل الخاص بالأقباط في مصر».

برهامى في احدى لقاءاته الدعوية وصف عيد القيامة المجيد عند المسيحيين بأنه "أكفر الأعياد عند النصارى"، وأن الذي يعتقدون بأن السيد المسيح صلب، هم كفار واتهمهم بالضلال

حتى الغربيين الملحدين  فيهم من يزدرى الدين المسيحى

اليهود يزدرون الدين المسيحى وكتبهم مكتوب فيها هذا الازدراء

ماذا كان رد فعل المسيحيين ؟

هل ثاروا ؟

هل دمروا ؟

هل اعتدوا على احد  بسبب هذا الازدراء ؟؟؟؟

لا لم يحدث

هل المسلم دمه حامى  والمسيحى بليد معندهوش دم ؟

الله يرحمك يا عبد المطلب  كنت احكم من كثير من البشر حين قلت

{ للبيت رب يحميه  }

من أنت أيها الإنسان حتى تجعل من نفسك وصى لتحمى خلق الله ؟

آنت تراب  تحتاج لمن يحميك ,,,, لا تغتر فى نفسك  لتحمى ما لله

هل الله ضعيف  لا يستطيع حماية ما له  ؟؟!!

أكيد لا

 فلتطلب أيها الإنسان من الله أن يحميك من نفسك

مجدى dd.dy

26 يناير 2015

-

يا حكومة أرجوكم طلّعوا للإخوان مرسى وخلصونا ::: مجدى dd.dy

يا حكومة أرجوكم  طلّعوا للإخوان مرسى وخلصونا

 مجدى dd.dy

المحاكمات مدتها طالت والإخوان هيتجننوا حرام كده يا حكومة خلصونا

عندكم ادلة ؟

انا عارف ان الأدلة على إدانتهم متوفرة , وإلا كانوا خدوا براءة من زمان , بس الإخوان مستعجلين  من كلمة ( عجل ) على وزن مستحمرين من كلمة ( حمار )

مستعجلين على طلوع مرسى وإخوانه الخونة حققوا لهم طلبهم وريحونا  من زنهم وغلاسة أهلهم

يا قضاة أنصحكم ونصيحة مدفوعة الأجر  شهلوا فى المحاكمات الخاصة بهم

 عايز بكرة اسمع منطوق الحكم

يلعلع فى كل وسائل الإعلام

 حكمت المحكمة بالآتى :

طلوع مرسى وكل اخوانه اعلى منصة المشنقة تنفيذاً لحكم الإعدام بتهمة الخيانة العظمى

وبهذا يطلع مرسى الى ربه ليحاسب , ويفرح اتباعه بطلوعه الذى تمنوه , ويتوقفون عن إرهابهم

والله الموفق والمستعان على إعدام الإخوان

مجدى dd.dy

28 يناير 2015

 -

-

قرابين بشرية لانجاح الثورة الاخوانية ::: بقلم : مجدى dd.dy

قرابين بشرية لإنجاح الثورة الاخوانية

بقلم : مجدى dd.dy

كما أشرت من قبل  ان الثورة المصرية  البيضاء النقية لم تدم الآ لثلاثة أيام فقط , من 25 يناير2011 الى يوم  27  فقط ومن يوم 28 نزل أتباع الشيطان ليعكروا على الشباب النقى ثورتهم بإراقة الدماء .

{ وقود الثورة }

وبنزول الإخوان بدء الطرف الثالث او ما سميناه حينئذ اللهو الخفى يعمل بدون كلل او ملل , وبدأت الجثث تنتشر فى كل المحافظات , وكان هؤلاء الضحايا هم القرابين المقدمة على مذابح الميادين للتقرب للشيطان الرجيم .

 والمتهمين هم رجال الداخلية .

وفى هذه الفترة كانت الأمور غامضة , والأخبار متضاربة , والإشاعات منتشرة , والحقيقة ضائعة .

فما هى قصة هذه القرابين ؟

القصة ببساطة مطلقة , ان هذه القرابين يجب تقديمها ليكونوا وقود الثورة .

من هم مقدموا هذه القرابين ؟

بعد وضوح كثير من الأمور الغامضة أشارت الأصابع للإخوان وخير دليل على إنهم هم قتلة الثوار هو يوم 28 يوم جمعة الغضب  وما تلاها من أيام .

http://www.ikhwanwiki.com/index.php?title=%D8%AF._%D8%B9%D8%B5%D8%A7%D9%85_%D8%A7%D9%84%D8%B9%D8%B1%D9%8A%D8%A7%D9%86_%D9%8A%D9%83%D8%AA%D8%A8:_%D9%8A%D9%88%D9%85%D9%8A%D8%A7%D8%AA_%D8%A7%D9%84%D8%AB%D9%88%D8%B1%D8%A9

على هذا الرابط عصام العريان يكتب يوميات الثورة يجب ان تقرأه ستكتشف العجب

سقطت الأجساد بطلقات غادرة , لا نعرف مصدرها حتى الآن لكننى عرفت مبكرا إن الإخوان هم هذا اللهو الخفى  ودليلى وهى ملاحظة جديدة عليكم .

 فى يوم 28 كان كثير من قيادات الإخوان الشبه مجهولين فى الميدان  وكل الميادين يحركون الأمور والفعاليات ثم التحق بهم القيادات المشهورة  يوم 30 بعد هروبهم  من السجون واشهرههم البلتاجى , وعصام العريان , وكان محمد على بشر وحلمى الجزار متواجدين فى ميدان التحرير من يوم 29  بتكليف من المرشد بديع , وغيرهم من قيادات الاخوان الغير مشهورين لكنهم معروفين لرجال الداخلية .

 وكلنا نعرف مدى الكره والثأر البايت بين الإخوان ورجال الداخلية , بالإضافة الى ان رجال الداخلية يعرفون مدى خطورة رجال الإخوان حينما يقودون الشعب الثائر.

أليس من الأولى لرجال الداخلية او معاونيهم  المتخفيين استهداف رجال الإخوان وقتلهم ؟؟؟ ! 

لكننا لا نجد اى قيادة اخوانية سقطت فى هذه الثورة من يوم ان قامت .

اذاً من قتل الشباب الذى لا ينتمى للإخوان ؟

 حتى فى احداث فض اعتصام رابعة والنهضة نجد القتلى من السلفيين والخارجين على القانون , ولا نجد احد من قيادات الاخوان , برغم قدرة الداخلية على قنصهم واحد واحد  ولا تترك منهم احد .

ماذا نستنتج من كل هذا الحوار الغير المنطقى ؟.

نستنتج ان اللهو الخفى كان واضح جدا

 نعم الداخلية مقصرة لأنها لم تتخلص منهم اثناء الهوجة , أكيد الأوضاع كانت ستتغير كثيرا لو كانت الداخلية قامت بواجبها  ؟ 

ومازالوا حتى الان يمارسون هوايتهم بتقديم الاضاحى البشرية والقرابين الدموية ففى ذكرى ثورة 25 ضحوا الإخوان بكثيرين من من اشتروهم بأموالهم ليظهروا امام العالم ان إعدادهم غفيرة وإنهم جماعة مظلومة .

 وهم فى الحقيقة قلة قليلة .

مجدى dd.dy

27 يناير 2015

 -

--

هى ثورة ولا تحرش ::: بقلم : مجدى dd.dy

هى ثورة ولا تحرش

بقلم : مجدى dd.dy

شوية عيال وشوية نسوان  وشوية عاطلين وبلطجية  تلمهم كاميرا الجزيرة   ويقولك مظاهرة   وكلهم  نازلين عشان الفلوس اللى بتتوزع عليهم  ,,, والنسوان فرحانة لتوفر التحرش

 واخوان الخارج فرحنين بالصور

 لموا نسونكم من الشوارع  ,,,,  بدل ما يتقبض عليهم  وهما بيتقفشوا من اخوانهم فى الجهاد  ,,, مش انتوا رجالة حمشين  وبتخافوا على عرضكم بتعرضوه ليه فى الشوارع ,,, منتوا كنتوا بتعيبوا على ستات اللبراليين لما ينزلوا مظاهرة  ويتأفشوا  بتقلدوهم ليه ؟ طب دول ناس مش مؤمنين

من قلة رجالتكم ولا بتبيعوا اعراضكم مقابل المال ؟؟؟؟ انتو غلبتوا الغرب  تكيلون بمكيالين  ,,,, لما نسونكم المؤمنات تنزل الشارع ده من قوة الايمان  ولمّا يحصل هرج ومرج وواحد  يبوط فى وحدة عشان يحميها   ولا واحد تانى  لما تقع يشلها من وسطها  ,, وايام جامعة الازهر  والبنات الاخوانيات واحد بيشلها من ورى عشان ينططها السور وهى مبسوطة ومبتسمة 

  هى ثورة ولا تحرش ,,, كفاية ضحك على الدقون 

مين بيصرف عليكم ؟ لمّا الاقى مجموعة من 30 أو 40 من الشباب الصغير اللى لسة بياخد مصروفه من بابا وماما لابسين تشرتات كلهم لون واحد وماركة واحدة وبدج واحد ورافعين شعار رابعة وبيهتفوا  مش دة دليل على ان  فيه تمويل بيجلكم من برة  يعنى ناس مرتزقة

ولا القنابل اللى بيفجروها يوميا تقريبا مش محتاجة مصاريف ؟ ولا بتلاقوها فى السكة يا مرتزقة ؟!

 يعنى معنى كده  ممكن تقتلوا اهلكم عشان الفلوس ؟

ولما اكلم حد منكم يقولى ما الداخلية ضربتنا وقتلتنا فى رابعة والنهضة

يا سلام  على المنطق ,,, كنتوا معتصمين لية فى ربعة والنهضة ؟؟؟ عشان الاسطى مرسى ؟

ما فيه مليون واحد احسن من الاسطى مرسى ,, وفيه مليون استبن ,,, واحد خاين واتقبض علية ,,, هو انتوا تعرفوا اكتر من مخابرات بلدكم اللى بتتحدى كل مخابرات العالم ؟

هتقولى مرسى مش  خاين  مش كده ؟

هقولك خاين وغبى كمان واللى يثبت كده  قناة الجزيرة اللى نشرت اوراق سرية للبلد  سربها مرسى وشلته من قصر الرئاسة , يعنى خاين مع سبق الاصرار والترصد ,,, وبعدين اتقبض عليهم من غير ما حد منهم يتقتل  انتوا بقى اعتصمتم ليه ؟ ,,, وقتلتم ناس ليه فى الاتحادية وفى ورابعة وغيرها  ,,, لية لما اتطلب منكم فض الاعتصام رفضتم  وكونتوا ببتحاموا فى نسوانكم واطفالكم هو كونتوا فى خفلة ونزهة  وخدين معاكم عيالكم  ولا الفلوس خلتكم مش عايزين تفهموا

 ده لولا فلوس الاخوان اللى اتوزعت فى ربعة والنهضة والمحافظات عشان تلم الناس  لكانت مصر فلست ايامها  ولغاية دلوقتى  التمويل الاخوانى بيساهم فى تحسين عيشة العاطلين والبلطجية والحشاشين ربنا يخلى لكم  قطر وتركيا والتنظيم الدولى للإخوان اللى بيقدموكم قربان للموت  مقابل ملاليم  وهم عندهم الملايين

يعنى اللى هربوا من قيادات الاخوان عايشين فى فيلل وفنادق خمس نجوم مرفهين  ,, ويبعتلكم الملاليم  ويقولوا لكم افحتوا فى الصخر  ,, وانتم زى الخرفان  ماشيين ورا تعليماتهم  بلا وعى من اجل حفنة دراهم من حديد مصدّى ,,, ربنا يكون فى عونكم على بلوتكم اللى بليتم أنفسكم بها

على العموم مصر هتتقدم وسيعم الرخاء فيها وأطفالنا وأبنائنا سيعيشون فى رغدة وتقدم وفى عزة وشموخ

سيكون منهم المهندسين وليس البلطجية , سيكون منهم الأطباء وليس القتلة , سيكون منهم البناءون وليس المخربون ,, سيكون منهم جنود ليحمونا وليس الإرهابيين

مجدى dd.dy

29 يناير 2015

-

الإخوان فى كل مكان ::: مجدى dd.dy

الإخوان فى كل مكان

الإخوان فى كل مكان فى العالم

خبثاء دلاديل ينفذون أوامر مدفوعة الأجر

هذه هى حياتهم أمريكا وقطر وتركيا وبعض الدول الأوروبية يدفعون لهم بالملايين

ليشتروا مرتزقة آخرين بملاليم

والهدف تدمير كل الجيوش العربية

وإسقاط كل الحكومات العربية

وتدمير كل البلدان العربية

ليسهل لهم تقسيم الوطن العربى بما يحلوا لهم

مجدى dd.dy

29 يناير 2015

-

حزب الله يرد على إسرائيل ::: مجدى dd.dy

حزب الله يرد على إسرائيل

فى كلمة حسن نصر الله أمين عام حزب الله اللبنانى هذا الأسبوع وهدد إسرائيل بضرب العمق الاسرائيلى ان تجرأت إسرائيل بضرب لبنان

فكان رد النتن يا ناس قصدى ياهوه  بقتل سبعة من قادة حزب الله على الحدود الإسرائيلية السورية

وبالمنطق الدولى  هذه الضربة لا تحسب انها ضربة للبنان .

فكان رد جزب الله من الذكاء باستهداف جنود ومدرعات اسرائيليية فى منطقة مزارع شبعا المتنازع عليها وهذا لجم الإسرائيليين لان الرد لم يستهدف الداخل الاسرائيلى فكان رد  اسرائيل على استحياء بقصف رمزى لمنطق ليست ذات اهمية فى جنوب لبنان قُتل فيها احد افراد قوات اليونيفيل .

وكان من المحتمل رد عنيف من اسرائيل وهذا ما لم يحدث

فهل إسرائيل خافت من حزب الله ؟؟؟؟؟ !!!!!!!

أكيد خافت وخشيت بتوجيه ضربة قاسية تؤدى لنشوب حرب مثل الحرب الأخيرة بينهم والتى هزت المجتمع الاسرائيلى برغم تدمير إسرائيل للبنان كلها

وأيضا معرفة إسرائيل ان حزب الله حصل على صواريخ  بعيدة المدى جعلها لا تتهور فى الرد .

والسؤال هل اسرائيل مستعدة لخوض معركة عنيفة ضد حزب الله ؟

أظن ذلك وهذا سيحدث بعد تحرش اسرائيلى متكرر بحزب الله بعد ضغط من  الرأى العام الاسرائيلى على حكومة نتنياهو

وربنا يستر من نتائج هذه الحرب المذمع قيامها , واشتعال المنطقة ,  لأن الوضع ألان  يختلف عن الحروب السابقة

 واتوقع ان اشتعلت هذه الحرب تّدخل واشتراك الجهاديين وقوات من داعش عن طريق سوريا , وحماس , والفلسطينيين داخل الأرض المحتلة لانهم مستنفرين , ووالجيش السورى سيتدخل , وتمويل من الإيرانيين , وتحركات من الأردن , ولا استبعد تمويل تركى فى الخفاء ضد اسرائيل بشكل ما لا اعرفه .

   واكرر ربنا يستر

مجدى dd.dy

29 يناير 2015

 -