اتفض وانفض الفرح وكل واحد يروح بيته
اتفض وانفض الفرح والعروسة اتطلقت بعد سنة زواج , يالله كل واحد يروح بيته
المشروع الاخوانى فشل وانفض المشروع
وكل واحد كان عنده امل انه يكون مشارك فى المشروع , خلاص مفيش مشروع ,,, اللى دفع حاجة يخدها ويروح
اُأكد لكم المشروع فشل والله فشل احلفلكم على ايه عشان تصدقوا ؟؟؟؟
واقول لكل واحد عنده امل فى استعادة ما تم ضياعه اقول له , انسى , الموضوع اكبر من اللى فى خيالك وكل المجهود اللى بتبذله والغل اللى بتبديه والقتل اللى بتقت...له مش هيرجع حاجة تتانى .
الضربة جامده وكانت ملعوبه بأتقان
الانفاق اتقفلت والمعابر , والمرتزقة محاصرين فى سيناء ,, واغلب مخازن السلاح تم اكتشافها , يعنى من الاخر الذراع العسكرى الحمساوى والقسامى أتقطعوا , ولو اتكلتوا على المجرمون اللى مرسى طلعهم من السجون وعفى عنهم هيرجعوا للسجون , وكل المحاولات الخائبة منكم فاشلة
بس انا مستغرب هو انتوا لا موئاخذه مابتشوفوش ,, ماشوفتوش يوم 30 - 6 - الناس كانت عامله ازاى ؟ والاربع ايام اللى بعد 30 - برضه ماشوفتوهاش ,,, ؟؟؟
ضحكوا عليكم وقالوا لكم دول كام الف , وانتو زى الهُبل صدقتوهم وكذبتم عيونكم ,,
اكيد انتوا من عجينة تانية مش من عجينة المصريين ,, انتو عايشين فى كوكب تانى ... مش معانا قاعدين
رجاء فوقوا واصحوا المسيرة بدأت وان لم تلتحقوا بها ستترككم فى ازمات نفسية ومعنوية ستؤدى بكم للسجون ,,,, حرام عليكم اولادكم واهلكم ,, بسرعة اركبو قطر النهضة ,,, النهضة الحقيقية وساهموا معنا لنكون دولة متقدمة وسيبكم من المشاريع الفاشلة اللى ما بتجبش حقها
انا عارفكم حتى لو قلت لكم من هنا لبكره مش هتسمعوا انتم صماً بكماً عُميواً
مجدى dd.dy
7 يوليو 2013
ليست هناك تعليقات:
إرسال تعليق