اوباما نخ ولا ده فخ ؟! ::: مجدى dd.dy

اوباما نخ ولا ده فخ ؟!

مجدى dd.dy

من ساعة ما عرف بشار الاسد ان اوباما نخ وبيتكلم عن مفاوضات

وبشار مزود عيار البراميل المتفجرة على المناطق التى تحتضن قوات المعارضة

والنصرة

بشار بيجس نبض الامريكان

وكأنه بيقولهم انا هخلص على المعارضة قبل التفاوض ,,, هنتفاوض على ايه ؟؟؟

بشار ذكى وفاهم الفولة

اوباما عرف وأتأكد ان النصرة وداعش والمعارضة مش هيقدروا يخلصوا على النظام

قا-لك اضحك على بشار بالتفاوض ونخلى حد تابعنا يمسك البلد وطبعاً هيمسكوا المعارضة الحكم كام واحد خاين زى اللى خانوا البلد فى العراق ,,, وطبعا شوية جهاديين من النصرة ,, على شوية دواعش ويعملوا حكومة ااتلافية كل مجموعة منهم ليها ماليشياتها الخاصة ,,,, وطبيعى هيكون رئيس الوزراء واحد امريكانى وصلحة

ونلاقى نفسنا امام عراق جديد ,,, وبريمر جديد يحل الجيش السورى ويخليى كل الماليشيات تضرب فى بعض

ويبقى سى اوباما حل المشكلة اللى بتأرق اسرائيل حل جذرى خلصوا من بشار ومن جيشه ومن التدخل الايرانى فى سوريا

نسى السيد اوباما قصدى خطط السيد اوباما ان فى اخر الامر لو سقط بشار,,,, اللى هيحكم سوريا هم الاخوان ,,, وما فشلوا فيه على ارض مصر سيفعلوه على ارض سوريا

سيبحثون عن مرسى سورى ويمولوا انتخاباته حتى ينجح حتى لو بالتهديد ويؤسس دولة الخلافة اللى {{ معصلجة }} معاهم مش راضية تتأسس .

وطبعا كل الدول المعروفة بحب الارهاب زى قطر وتركيا وامريكا وبريطانيا سيدفعون اموال غزيرة لبقاء هذه الحكومة الارهابية الجديدة واول شئ هو التخلص من الجيش السورى حتى لا تتكرر مأساة انهيار الخلافة فى مصر

الادارة الامريكية فقدت السيطرة على الامور تماما ,,, ضخت اموال وضيعت وقتها فى وضع الخطط ونجحت فى مسعاها ,,, لكن نجاحها لم يدوم طويلا بل تحول تحطيطها لكوارث فى المنطقة الشرق اوسطية ,,, وكان فشلها بيد الشعب المصرى وذكاء ساستهم الذين فضحوهم

اقول لكم توقعاتى للى هيحصل مع سوريا

هتكون مفاوضات ثم مفاوضات ثم,,,,,,,,,,,,,,,,, مفاوضات ولن تنتهى لشئ يذكر

يكون بشار خلص على النصرة وداعش

 والمعارضة تعمل حكومة فى المنفى .

مجدى dd.dy

16 مارس 2015

-

-

الحاوى الامريكى جرابه اتخرم ::: مجدى dd.dy

الحاوى الامريكى  جرابه اتخرم

مجدى dd.dy

جراب الحاوى الامريكى اتخرم واتسربت اغلب اسراره

على يد السيسى هذا الحاوى سيتحول لبلياتشوا تتفرج عليه الدنيا كلها

هو وكل الاراجوزات اللى بيحركها

من قطر لتركيا

من الدواعش والاخوان الاغبية

قريب هنشوف فضائحهم معروضة على الارصفة فى كل جرائد الدنيا

نحن فى زمن الفضائح ,, فضح كل المؤامرات والمتآمرين

مجدى dd.dy

6 مارس 2015

-

-

حى قطر الخليجى اشترى طيارات حربية ::: مجدى dd.dy

حى قطر الخليجى  اشترى طيارات حربية

مجدى dd.dy

حى قطر الخليجى اتصل بحى امبابة المصرى يطلب افراد مدربين على قيادة الطائرات الحربية رافال الفرنسية  التى تم شرائها حديثاً

 فاجتمع شيخ حى امبابة  بشباب الحى يستشرهم فى طلب شيخ حى قطر , وكلنا يعرف مفيش طيارين فى حى امبابة لانهم معندهمش مطار حربى ,,  وكلنا يعرف صياعة شباب الحى ,

 وطقت فى نفوخ واحد من الشباب فكرة ارسال سواقين التوكتوك ,, ووافق شيخ الحى على الفكرة

 فارسل فاكس لشيخ حى قطر يعلمة ان طلبة جاهز , وطلب 30000 ريال عن كل رأس  , والراتب الشهرى لكل رأس 1000 ريال قطرى

وتمت الصفقة وتم سفر سواقين التوكتوك  الى حى قطر , واستلم كل واحد طائرة  لتنفيذ استعراض امام تميم وموزة والوزراء واهل حى قطر بالكامل

ودارت محركات الطائرات  وتحركت الطائرات على ممر  الشارع  وبدأت ترتفع الطائرات بصورة مدهشة , وودارت ولفت الطائرات فى الجو لتعود للممر  وعادت  ونزلت على الممر

والمفاجئة  ان الشباب لا يعرفون مكان فرامل الطائرات  ,  فدخلو فى المنصة والجمهور بالطائرات ودى كانت نهاية حى قطر وموزة وتميم .

مجدى dd.dy

19 فبراير 2015

-

-

-

نبوءه عن ليبيا ::: مجدى

نبوءه عن ليبيا

ستتخلص نهائياً من الارهاب والاخوان

اللواء حفتر سيصبح رئيس ليبيا

وحدة ستتم بين مصر وليبيا

سيحدث هذا قبل نهاية سنة 2016

تذكروا هذا الكلام

مجدى

18 فبراير 2015

شوطة العنف تضرب العالم ::: مجدى dd.dy

شوطة   العنف تضرب العالم

مجدى dd.dy

لما ينتشر مرض للفراخ والدجاج نسميها شوطة

ولما اللاعب يركل الكرة  نسميها شوطة

والظاهرة هذه الايام انتشار شوطة الكورة  والعنف فى كل بلاد العالم

وعندنا فى مصر الشوطة فى الجون

اما فى البلاد الاخرى ساعات بتبقى  اوفسيت وساعات فى الاوت  والقليل فى الجون

لكن الشوطة انتشرت  وزادت عن الحد بشكل ملحوظ

ظاهرة العنف الجماعى  اصبحت ظاهرة لا تخص بلد بعينه بل كل بلاد ودول العالم بها مظاهرات واحتجاجات وعنف ملاعب  وارهاب واشتبكات وحوادث كارثية !!!!!!!!!!!!!!

وحروب

وانتظر ازدياد هذه الظواهر بصورة وبائية تعم كل ارجاء الارض .

فهل علاج لهذه الظواهر قبل استفحالها  وعدم مقدرتنا السيطرة عليها ؟؟؟

لا اظن  ,,, والسبب  عقلاء وحكماء اهل الارض اندثروا والجالسون على  قمة الفكر والقيادة  اصيبوا  بفيرس العنف

والسؤال  ايه حصل فى الدنيا ؟؟؟؟

هل هى مؤامرة ؟؟؟؟

ام الشعوب تقلد بعضها ؟

ام ان الهواء الذى نتنفسه به  فيرس الشغب  ؟

ام ان مايحدث شئ منطقى وطبيعى ؟

بصراحة الموضوع يحير ,,,, وممكن لاى شخص يتفلسف فى اسبابه

هقول لكم معلومة يمكن تحل اللغز

الارض يخرج منها غاز اسمه الرادون ويخرج من شقوق الارض  اثناء تحرك القشرة الارضية  ويزيد تسرب هذا الغاز  قبل الزلازل عادتاً

وهو غاز سام  وقليلة يؤثر على اعصاب البشر ويجعلهم مُتوترين  ,,,

هذه هى المعلومة

واستنتاجى  واكيد استنتاج خاطئ

ان هذا الغاز  هو سبب ما يحدث للبشر وهو دليل على اقتراب زلزال عنيف  اين ومتى ؟؟؟

لا اعرف

وربنا يستر

مجدى dd.dy

20 فبراير 2015

--

--

حلف جديد مصر روسيا الصين ::: مجدى dd.dy

حلف جديد مصر روسيا الصين

هذا الحلف الوليد سينموا ويكبر

وستنضم له اغلب الدول العربية ودول تان تان

( اللى هيسألنى مين هى دول تان تان هجوبه )

وكوريا الشمالية وفيتنام واندونسيا واليونان

افتكروا الكلام ده

مجدى dd.dy

12 قبراير 2015

-

ايه يا دنيا حصلك ايه ؟ ::: مجدى dd.dy

ايه يا دنيا حصلك ايه ؟

مجدى dd.dy

ده حتى ايام عبادة الاصنام  معملتيش كده

ايه الارتداد  اللى انتى فيه ده ؟

لأ الموضوع زاد عن حده

داعش من ناحية وزواج مثليين من ناحية تانية

الحاد من ناحية  وعبادة شيطان من ناحية تانية

العالم اتجنت  وهتجننى

واكتر حاجة مجننانى الخبلان االلى صاب الدول

اللى اسمها راقية  واللى متخيلة نفسها مثقفة

وبحجة الحرية

سيبين بناتهم واولادهم  للحرية المدمرة دى

مين يصدف وصل التخلف لدرجة لا يوجد لها علاج سوى كارثة

زى كارثة سدوم وعامورة

تخيلوا 14 دولة تعترف بزواج المثليين وتمنحهم حق التبني

احنا فى عصر التطور ولا عصر التخلف

على اى سنة يتم زواج هؤلا المنحطين اخلاقياً

ما نوع هذه المجتمعات هل هى مجتماعات حيوانية ؟؟؟

هل لا يوجد بها عقلا  يميزون بين الخير والشر ؟

بين الصح والغلط ؟

ايه اللى صاب الناس فى مخخهم

محدش يقولى الشيطان دحنا غلبناه

فى طرق ممارسة الشر

ولا داعش دى بتنوع فى طرق القتل

بالحرق بالاغراق بالذبح بالرصاص

بالقنابل بنفسهم

ويهللوا وهم يمارسون افعال الشيطان

الله اكبر

انهم بافعالهم  يعبدون الشيطان

ويتمسحون بالله

ان هؤلا  وهم كثر يستحقون الخسف

مثل اهل بومباى

يارب انقذ الارض من اهلها

لانهم لا يدرون ماذا يفعلون

مجدى dd.dy

5 مارس 2015

-

-

رسالة الى كل من يبرئ الاخوان من الارهاب ::: مجدى dd.dy

رسالة الى كل من يبرئ الاخوان من الارهاب

مجدى dd.dy

لا  تنخدع فى الاخوان فهم من ابتكرو الارهاب المعاصر

اولا داعش تصنيع محلى عربى  امريكى  مستنبط من القاعدة  ,, والقاعدة  اخوانية صرف   ,,,

امريكا عندما ارادت ان تضرب روسيا فى افغانستان  استعانت بالاخوان فى الوطن العربى

فقام الاخوان باستقطاب الشباب العربى  لمحاربة الكفار الروس الذين يسيطرون على افغانستان المسلمة

واستجاب الشباب لان الاموال كانت كثيرة والحوافز اكثر  وكله باسم الدين

وما اكثر السلفيين فى البلاد العربية الذين يتمنون الجهاد فى سبيل الله

وطبعا ابن لادن بفلوسه اشترى كم هائل من هؤلاء    ومتنساش فلوس امريكا  ساهمت فى تكوين القاعدة

وحتى انور السادات  التحق بالاخوان  او هو اصلا اخوانى الهوى  ومول الارهابيين والقاعدة بالسلاح والمال  فى مقاومى الروس فى افغانستان  ,,, اعرف انها معلومة جديدة على كثيرين  .

الدليل الموثق على كلامى

هل انور السادات كان اخوانياً ؟!

هل تعلمون ان السادات ساهم فى تأسيس تنظيم القاعدة ؟

وبعد انتهاء مهمتهم فى أفغانستان رجعوا مصر وقتلوه

وكانت نهاية الرئيس المؤمن بيد المؤمنين

انى أتكلم عن الإخوان

يوجد خبر فى جريدة الأهرام على الصفحة الأولى من ايام ما كانت جريدة الاهرام بــــ 30 مليم

وللاسف نظرى مجبش تاريخ الجريدة

ونص الخبر بالبنط العريض

{{ السادات للثوار الأفغان :

سنقف معكم بكل ما فى الاسلام من قوة }}

وتحتها مكتوب

{{ السادات هو الزعيم الوحيد الذى تعهد بتقديم المساعدات لشعب افغانستان }}

واسفلها مكتوب

{{ نداء الى دول العالم لمساعدة المجاهدين }}

وفى نفس الصفحة خبر صغير ناحية اليمين يقول :

{{ رسالة من السادات لشعوب العالم لمساعدة افغانستان }}

ودى صوره الجريدة

انا مش بألف

~~~~~~~~~

التاريخ لا يرحم ولا ينسى

والله يمهل ولا يُهمل

فما نزرعه إياه نحصده

ولما رجعوا من افغانستان بعد انتهاء مهمتهم كلاً الى بلده  عملوا اللى عملوه فى مصر والسادات وقتلوه فى  المنصة اثناء احتفلة بيوم 6 اكتوبر 1981

وفى نفس اليوم

{{{ مذبحة أسيوط 1981 كاملة التفاصيل هجوم جماعة الجهاد على مديرية أمن اسيوط

من الارشيف / مذبحة اسيوط 1981 وقصة هجوم تنظيم الجهاد على مديرية امن اسيوط – مذبحة العيد بأسيوط

سماها البعض مذبحة.. واستقر الباحثون على تسميتها بأحداث أسيوط.. وقال عنها أيمن الظواهري الرجل الثاني في تنظيم القاعدة إنها “انتفاضة عاطفية” ذات نصيب متواضع من التخطيط.. “فقد جاءت متأخرة عن قتل السادات بيومين.. كما كانت تستند إلى خطة غير واقعية”}}}}

المقال كامل على هذا الرابط

http://www.helaahob.com/news/news-egypt/2751

وافراد تنظيم القاعدة  انتشروا فى كل مكان

فى باكستان وماليزيا وجنوب شرق اسيا , دة غير الدول العربية كلها  والجزائر كم عانت منهم

ومرت الايام والتنظيم الدولى للاخوان  قرر  تاسيس  دولة الخلافة واحياء الخلافة

فقامت  على مدى  عشرات السنين الاخيرة  بجمع اعضاء المشروع الاسلامى

وكلهم من السلفيين  واعضاء القاعدة  والفكرة وسعت  والحكومات العربية مطنشة

وعندما قامت الثورة   والربيع العربى  ظهروا على السطح

وبدأ كل ارهابيين الجهاد يتجمعون فى مصر وسيناء على الاخص ,

وتم اخراج المساجين من الارهابيين    من السجون هنا وليبا والعراق

وانبثق عن  القاعدة جماعات   ,, مثل داعش والنصرة وبيت المقدس

كل هذا ولم يمارسوا  ارهابهم العنيف

لان مرسى والجماعة لهم الكلمة العليا عليهم  ومادام ان  دولة الخلافة  يتم تاسيسها فلا يريدون اى شوشرة

لكن عندما تم خلع مرسى

تحركت هذه الجماعات ومارست الارهاب العنيف لان الرأس الكبير  تم سجنه

وانتم تعرفون الباقى

وكان المقصود من تأسيس دولة الخلافة بمباركة امريكا

لسبب بسيط , هل تعرفه ؟

هناك سبب مهم جدا

السبب ضرب روسيا بوتين

بص

وجود بؤرة ارهابية تحت طوع امريكا فى الشرق الاوسط

بؤر عديدة

ستحمى اسرائيل وتضرب اى دولة فى المنطقة تحاول التقرب من روسيا  بعمليات ارهابية

والمخطط موضوع مسبقاً  بدخول الدول العربية المسيطر عليهم من الاخوان فى حرب بالوكالة لضرب المفعلات النواوية  الايرانية  ,,, وامريكا تمول وتقف تتفرج  هى واسرائيل ,,, وطبعاً الحجة الصراع  السنى الشيعى

ولكن الحقيقة هى المصلحة الامريكية الاسرائيلية

كل ما يحدث لنا فى المنطقة سببه الاخوان  الخونه مع امريكا  واسرائيل

وكانوا يخدعون  شعوبهم  بشعار{{{ ع القدس رياحين شهداء بالملايين }}}

طب ما اتوا كنتوا على بعد امتار من القدس ليه ماروحتوش وخلصتونا منكم ؟؟؟ مش كنتوا فى سيناء قبل واثناء وبعد  احداث ثورة 25 يناير 2011  ... وكنتوا موجودين ومرحرحين فى سيناء اثناء حكم مرسى  ,,, ليه ما روحتوش بالملايين ؟ ايه منعكم  ,,, هتقولولى الجيش ,,, ده انتوا كنتوا بقتلوا فى رجال الجيش ناسيين المجازر اللى حصلت على اديكم  فى شهر رمضان وبعد رمضان !!

اسباب عديدة كلها تصب في مصلحة أمريكا في نهاية الأمر

ولكن بدون الدعم الأمريكي هيكون الاخوان مجموعة صراصير

الاخوان هم  اليد الفعالة الطيعة لضرب اى تهديد للمصالح الامريكية فى فى اى مكان فى العالم

وحتى الان لم تعتبر امريكا ان تنظيم الاخوان منظمة ارهابية بل  تقابل قياداتهم بالترحاب

لان امريكا تعرف  قدرة الاخوان فى السيطرة على الارهابيين  فى كل مكان

اما تركيا وقطر  فانهم كانوا عندهم امل فى تاسيس دولة الخلافة

وتعيين مرسى لخليفة واردوغان نائب الخليفة

وموزه   هيكلوها الخلافاء

هاهاهاهااه

والغريب لما قامت الثورة فى سوريا ذهب عدد غفير من المصرييين السلفيين الجهاديين  محملين بالاسلحة لاغاثة  اخوانهم المظلومين فى سوريا والتحق بهم  جهاديين من كل المناطق والدول المسلمة بتكليف من الاخوان ولا ننسى مؤتمر فى حب سوريا اللى عقده الاستاذ مرسى فى الاستاد

وخربت سوريا على اديهم

وخربت ليبيا على اديهم

وربنا انقذ مصر وهنقطع اديهم قصدى ايد امريكا

مجدى dd.dy

9 مارس 2015

-

-

-

فضايح الثلاثى الارهابى :::: مجدى dd.dy

فضايح الثلاثى الارهابى

مجدى dd.dy

والثلاثة بيفكرونى بناس عندنا فى مصر  اللى بيطلبوا بالشرعية  وبيسموا نفسهم باسماء متنوعة ,,, منها نسوان ضد الانقلاب ,,, وطلاب ضد الانقلاب ,,, وعيال ضد الانقلاب ,,,  ورافضى الانقلاب ,,,  وطلبة ضد الانقلاب ,,, وأزهريين ضد الانقلاب وحرمية , وحشاشين ,  ونقابيين ، وسلفيين , وأطباء، واطفال , ورضع ضد الاتقلاب .

ومجموعة تانية تبع الشرعية ,,,,, تحالف دعم الشرعية ,,, وتحالف اعادة الشرعية  ,,, وتحالف المؤمنين بالشرعية ,,,, وجماعة هنرجع الشرعية بأكلة بط بالملوخية .

وكله بيهاتى ويهلل ,,,  ولمّا  تسألهم انتو اخوان ؟؟,,,, يردوا احنا مش اخوان بس بنحترمهم ونحبهم . يا سلام

هو ليه لما اقول لحد منهم انك اخوانى يقول لأ انا مش اخوانى ويتكهرب

ليه ؟

هى كلمة اخوانى شتيمة لاموآخذة ؟

ولا كلمة اخوانى تدل على اصابته بمرض معدى خبيث

وكأنى باقوله عندك ايدز اللى بيجى للشواذ لا سمح الله

حتى اصبحت صفة اخوانى مسبه يتبرأ منها كل اخوانى

ويغضب اذا احد نعته بها

وبرغم كده يدافعون عن الاخوان وعن مرسى وشلته بكل قوة

ويدافعون عن قطر وتركيا وبعضهم يدافع عن داعش

وعن كل الكيانات التى تقف ضد مصر وجيشها

عندهم انفصام فى الشخصية ,,, وعندهم عمى فكرى

وحول فكرى يفهمون كل الامور بالمشقلب

نفس التهليل ونفس الحب والاحترام للاخوان عند  الثلاثى الارهابى  المشهور

امريكا قطر تركيا

كل اافعالهم  تفضحهم  انهم تبع الاخوان ونخدهم على قفاهم  واحد واحد على انفراد

اولاً اوباما

اوباما برغم انه امريكى زى ما بيقولوا اشك انه امريكى واتحدى لو جبنا اصلة هنلقيه موريتانى الاصل موزنبيقى المولد بوركينى فساوى المنشئ  اخوانى العقيدة

واللى خلانى اقول كده  ان اخوه اللى مش شقيقة مسلم الديانة واخوانى اصيل وهو التانى بيقول انا مش اخوانى  كلهم بيتبروا من الاخوان وكانه الاخوان مرض خبيث لا يريدون ان يعترفوا انهم مصابين به امام الناس او انه فحشاء وشئ عيب يتعمل فى الخفاء بس

واسم اخوه مالك  راجل بيمول الاخوان ويلبلها كل طلباتهم  ,,, واوباما اخو مالك

سيبك من مالك ده خلينا مع اوباما ,,,  لما مرسى اتشال ,,,  اوباما كان هيتشل واتشال واتحط  واتنرفز ,,,

ليه يا اوباما ؟؟؟ هو مرسى من بقية علتك ؟؟؟

يرد ويقول لا ده نصب عليا هو  وخيرت الشاطر عطتهم 8 مليارات دولار معونه للاخوان عشان يحققوا خططنا  فى سينا والسيسى بوظ الاتفاق وانا مليش دعوه  انا عايز الـــ8 مليار من السيسى بس هه .

ميعرفش ان فى مصر

القانون المصرى لا يحمى المغفلين  !!!!!

ثانيا قطر

قطر سليلة الامريكان  بتلعب على كل الحبال ,,,  هى مابتحبش الاخوان انها تحتضنهم فقط ,, لان الاوامر الامريكية كده .

ممكن تبيع ابوها عشان خاطر عيون امريكا ... لما دول الخليج زنقتهم  قال ايه طردوا شوية اخوان ملهمش لزمة ولما توفى ملك السعودية  عرضوا على اللى اتطردوا  لو حبوا يرجعوا يرجعوا ,,, ملهمش كلمة ,,, دولة معفنه مخلصة لامريكا لابعد الحدود  ,,, وطبعا دولة مفهاش ناس ولا سكان وعندها المال بالهبل وتنفذ كل الرغابات الامريكية بدون تفكير ,,, وامريكا تحتضن التنظيم الاخوانى الارهابى لاستعماله لتحقيق اغراضها التى تخدم اسرائيل اولاً واخيراً .

وبرغم ان الاخوان اغنيا  لكن البحر يحب الزيادة ,,,قطر بتمول وامريكا بتمول ,, والاخوان بتنفذ المشروع الاسلامى الداعشى المدمر الذى هدفه القضا  على كل الجيوش العربية

وعندما نسأل اى مسئول قطرى يرد يقولك انا مش اخوانى انا بحبهم بس  زى اوباما بالظبط

وثالث طرف من الثلاثى الارهابى  هى تركيا اللى بتحب الاخوان ومش اخوان ,,, وبتحب داعش وتدعمها  وقال ايه بتحاربها

اردوغان بيه من  يوم فض رابعة وهو مش  مبطل هوهوة على السيسى ,,, ليه ؟ يقولك السيسى انقلابى

طب انت مال اهلك ؟؟ هو انقلب عليك ؟؟ اما انتى حشرى  وغلس ,,, طب اوباما معزور , السيسى بوظ خطته  والفلوس اللى اداها للاخوان  راخت عليه وعلى دافعى الضرائب فى امريكا ,,, انتى بقى يا اردوغان حد  ضحك عليك واداك  خاذوق ؟ ,,, من اللى شيفه منك متأكد انك اخدت خاذوق مغرى  من السيسى ,,, يا ريت تحتفظ بالخاذوق هينفعك لما  تتشال من على الكرسى زى حبيبك مرسى .

مجدى dd.dy

9 مارس 2015

-

-

-

رئيس عصابة داعش حركها بالشفرة من مصر ::: مجدى dd.dy

رئيس عصابة داعش حركها  بالشفرة من مصر

مجدى dd.dy

عندما عقد من كان يُسمى الرئيس مرسى مؤتمر "نصرة سوريا" بتاريخ السبت، 15 يونيو 2013

أطلق صرخة الجحش من العرين ,,, أطلق صرخته الشهيرة { لبيك يا سوريا }}}}}}} وقرطس العالم كله

فبعد ان كانت داعش تحارب بجانب قوات الاسد  انقلبت بعد خطاب مرسى فى مؤتمر نصرة سوريا لتحارب ضده

لم أتخيل وقتها انها شفرة أطلقها شخص متهور فى لحظة حماس ( مش قصدى حماس غزة . ) لا أكثر ولا اقل .

بل ظننت وقتها انه يدعوا الجهاديين الإرهابيين المصريين للسفر لسوريا لمساندة المعارضة السورية  وتنظيم النصرة الاخوانى  هناك ,, اى انه رئيس عصابة محلى لا تتعدى كلمته الحدود المصرية .

لكن اتضح اننى فى منتهى الغباء والسذاجة ,, لم استشف من الاحداث ان مرسى رئيس عصابة دولى مسموع النداء .

فبعد هذا النداء بفترة  قصيرة  حددت داعش مسار لها فى السورية وانقلبت على بشار  تقتل وتذبح وتدمر وتسيطر على شمال سوريا

ولم يخطر ببالى ان هذا النداء اللعين به سم قاتل .

ولعلمكم مازال رئيس العصابة العالمى يصدر شفراته من خلال خلايا نائمة فى الداخلية والاوامر تطبخ فى السجون  والمكلف بطبخ هذه الاوامر شخصية فى غاية الدهاء انه خيرت الشاطر ,,, والوحيد الذى لن تجد عليه ادانة مباشرة هو هذا الشخص الغامض .

هو صاحب  فكرة التصنت على كل وزارات مصر .

هو من استورد اجهزة التصنت وزرعها فى كل مكان .

هو اخطر شخصية اخوانية على مستوى العالم .

انصح وضع هذا الرجل بعد تفتيشه تفتيش دقيق فى مكان محصن لا يتصل به  اى انسان الا تحت رقابة  مشددة

ومحاكمته منفرداً بعيد عن بقية قيادات الاخوان .

وقد اعذر من انذر .

فـ سى مرسى لا يساوى شئ بجانب هذا الشخص الاخطر .

انا سأنفخ فيه الى ان يطرشق ويحكم علية بالاعدام .

مجدى dd.dy

27 فبراير 2015

-

-

السوريون ينتفضون ضد داعش والنصرة والمعارضة ::: مجدى dd.dy

السوريون  ينتفضون ضد داعش والنصرة والمعارضة

مجدى dd.dy

ابو بكر البغدادى ساهم فى  تاسيس  جبهة النصرة فى سوريا

وحاليا هناك محاولات انفصال  عن داعش ,, بتوجيهات قطرية

النصرة تتلقى الدعم من قطر لكن العقبة الان امام قطر ان الولايات المتحدة تعتبر جبهة النصرة من المنظمات الإرهابية كما فرض مجلس الأمن التابع للأمم المتحدة عقوبات عليها

ومن اجل التحايل على المجتمع الدولى  طلبت قطر من النصرة الانفصال الكامل عن القاعدة وداعش وتغير اسمها ووعدوا  النصرة بمزيد من الدعم.من أموال وإمدادات وخلافه بمجرد أن تقطع صلاتها بالقاعدة وداعش وتغيير اسمها

ومن ناحية اخرى  تستعد الولايات المتحدة لتسليح مقاتلي المعارضة غير الجهادية وتدريبهم  بحجة محاربة داعش ,,, تماما كما تدعى قطر  انها ستدعم النصرة لمحاربة داعش

لكن الحقيقة  واضحة وضوح الشمس  ان قطر وامريكا لهم هدف واحد اسقاط حكم بشار الاسد

وما يؤشر ان وضع النصرة وداعش والمعارضة السورية فى اندخار  ان هذه التنظيمات  تتحارب بينها وبين بعضها , حتى ان الشعب السورى فى مناطق نفوذ النصرة خرجت امس فى تظاهرات عارمة  ضد قوات النصرة فى بيت سحم  بريف دمشق  الجنوبى تطالب بخروج قوات النصرة من البلدة

وردت قوات النصرة على المتظاهرين  فسقط بعض القتلى برصاص النصرة

الشعب السورى بدأ يتزمر ويخرج فى مظاهرات احتجاج على النصرة وداعش وانى اتوقع انتشار هذه التظاهرات ليس ضد النظام السورى بل ضد الارهابيين

الشعب السورى مل من الحرب والارهاب

وهذا سيؤدى الى انتصار الجيش السورى  بقيادة بشار على هؤلا  الرعاع الارهابيين

مجدى dd.dy

8 مارس 2015

-

-

-