المنظمة الامريكية فى مصر والاولوية بعد فشل الاخوان

dd.dy مجدى   

تنظيم الاخوان واتباعهم فى مصرقد فقد قدر كبير من تأييد الادارة الامريكية بعد ان كان الاخوان يحصلون على الدعم المالى والمعنوى ولهم الاولوية  ويلى التنظيم الاخوانى فى الدعم الامريكى هى حركة 6 ابريل وملحقاتها من حركات  

والان ليس امام الامريكان سوى الاعتماد على حركة 6 ابريل لاسقاط النظام بعد الفشل الذى يلاحق  التنظيم الاخوانى

ويوجد خلافات بين وجهتى نظر كل من ابريل والاخوان ومن يتبعهم , الاخوان مصممون على اعادة مرسى للحكم بحجة الشرعية , وابريل لا يهمها عودة مرسى  بل ترفض عودته

وامريكا تحاول التنسيق بينهم مع الاعتماد الكلى على الحركة لتنفيذ اجندتها فى مصر , فكانت التوجيهات الامريكية لكل الاطراف المؤثرة على الاخوان بتعليمات عليا من الادارة الامريكية بوجوب التوافق بين ابريل والاخوان فى مطالبهم

فنجد  القرضاوى وجه خطابا للتنظيم الدولي بضرورة رفع شعارات ثورة الخامس والعشرين من يناير ومنها العيش والحرية والعدالة الاجتماعية والقصاص لشهداء ثورة يناير حاليا بصفته السبيل الوحيد للتوافق مع القوى الثورية قطعا للطريق على رجل نظام مبارك للعودة للمشهد مجددا.

وما نادى به القرضاوى  يتوافق مع توجهات قطر التى تأخذ التعليمات من امريكا مباشرة والتى تعمل على توحيد الصف فى المطالب بين الاخوان وابريل والتركيز على المطابة بشعارات ثورة 25 العيش والحرية والعدالة الاجتماعية والمطلب المضاف القصاص لشهداء ثورة يناير برغم ان اعلب اهل هؤلاء الشهداء قبلوا اخذ دية  ابنائهم ,, وبهذا تسقط مطالبهم بالقصاص ,,, وتتولى الدولة باخذ الاجرائات القانونية فى موضوع القصاص بما لديها من ادلة

انى احذر ان امريكا لن تسكت

علينا ان نرصد اى تمويل مشبوه  ونراقب ونطارد ونمنع اى تحركات مريبة  لمؤسسات المجتمع المدني والتى تساهم فى زعزعة الاستقرار على الارض المصرية

dd.dyمجدى
2- 12 - 2014

-

فرحكم او زعلكم ملهوش لزمة :::: مجدى dd.dy

فرحكم او زعلكم ملهوش لزمة

dd.dy مجدى

مش عارف ليه في ناس زعلانه ان مبارك خد برائة
ومندهش ان في ناس تانيه فرحانه ان مبارك خد برائة

مبارك اصلا ورقة محروقة لن تفيد ولن تضر
اما من يتسائلون اين حقوق الشهداء اقول لهم ان كان عندكم ادلة تثبت ان نظام مبارك قتل هؤلاء الشهداء قدموها الكلام بدون دليل ملهوش لازمة -- الكلام بدون توثيق ودليل محسوس لا يآتى بحق اى ضحية ان القضاء المصرى ملتزم بالقوانين الموضوعة فلا لوم عليه فان كان احد تلاعب بالادلة فلا ذنب للقضاة فى هذا .

بالنسبة للفرحانين ببرائة مبارك اقول لهم ان مبارك يستحق الاعدام لاهماله احتياجات الشعب وتركه الاخوان ينتشرون فى كل الوزارات والادارات
واهمال وعدم تطوير المصانع والشركات بالقطاع العام لبيعها خردة وتشريد العمال وابنائهم

لم يعالج البطالة ولا الفساد فى الدولة وترك الحرمية والاستغلاليين يغتنوا على قفى الشعب الغلبان

دة رأيى من يحب مناقشتى فى هذا الموضوع فليتفضل

dd.dy مجدى

29 \ 11 \ 2014 
-
https://www.facebook.com/magmwr.mind?fref=nf

صفحتى تشرفونا 
-

ملكمش حجة ::: مجدى dd.dy

ملكمش حجة

dd.dy مجدى

ملكمش حجة يالى كنتوا بتخدو الزيت والسكر من الاخوان
التموين اهو السيسى عطهولكم ببلاش وكمان العيش ببلاش --- يا بلاش
صحيح حاجات تانية غليت وده حاصل فى كل العالم الدنيا كلها غليت ا
محدش يضحك عليكم تانى خلى بالكم وكلاء الاخوان وقفين مستنيين يدو لحد سكر وزيت عارفين مين وكلاء ونواب الاخوان ؟

 السلفيين هيغنوا عليكم نفس الغنوة القديمة انصر شيوخ دينك اللى مربيين دقونهم وكمان هنديك سكر وزيت

اصحو يا شعب لسة شغل الحواه شغال خد اللى يدهولك بس مصلحة بلدك اهم من طمعهم ومن اهدافهم المدمرة ماتدهمش فرصة يخشوا مجلس الشعب ويحولوه لسيرك وتهريج زى ما عملوا المرة اللى فاتت

dd.dyمجدى

29 \ 11 \ 2013 
-
https://www.facebook.com/magmwr.mind?fref=nf

صفحتى

-

يا خسارة يا كلب ::: مجدى dd.dy

يا خسارة يا كلب

dd.dy مجدى

الكلب اللى اتربى عندنا عضنا

برغم ان الكلب وفى
مطمرش فيه اكلنا
هوهو علينا
وخطف الامن مننا
اتسعر بعد ما شبع
وقتّل فى اهلنا
نوديه مستشفى الكلب ؟
طب ان رفضوه ؟
ازاى نبعده عننا ؟
حد يشور علينا
مين عنده حل ويدلنا

-

-

مجدى

-

-

مصالحة واحدة ::: مجدى dd.dy

مصلحة واحدة

dd.dy مجدى

الحقيقة التى توصلت لها ان الاخوان كل الاخوان وبعض السلفيين بسبب ثورة 25 يناير اصبحوا على علاقة وثيقة بتجار المخدرات وتجار السلاح والخارجين عن القانون والبلطجية والحرمية والارهابيين فى كل العالم وكل العاهات الاخلاقية لان مصلحتهم ومصالحهم واحدة وهى الفوضى كما تفعل داعش فى كل مكان تحل فيه

dd.dy مجدى

28 \ 11 \ 2014

-

-

الداخلية نجحت بجدارة ::: مجدى dd.dy

الداخلية  نجحت بجدارة

dd.dy مجدى

اللى حصل يوم 28 نوفمبر2014 وفشل خرجة الاخوان اثبات ان مجهودات الداخلية جابت نتيجة فى نتف ريشهم واجهاض خططهم
الاخوان عايزين ينفذوا خطتة يوم 28 يناير واقتحام السجون وحرق البلد ,,, كان نفسهم ومنى عنّهُم  يعملوا كده فى كل مرة يخرجوا فيها , كان نفسهم يبوظوا البلد ويكرروا ثورة يناير بحزافيرها بس ده بُعدُهم خلاص البلد عرفت اسلوبهم

dd.dy مجدى

29 \ 11 \ 2014

-

-

مصر الزوجة المطيعة ::: مجدى dd.dy

مصر الزوجة المطيعة

dd.dyمجدى

منذ ستة الاف سنة تزوجت ام الدنيا كثير من الازواج ومنهم رجال اجانب - وخالال هذه السنوات الطويلة لا يذكر لها التاريخ انها تمردت على احد من ازواجها الا نادرا ً.

 
انها زوجة صبورة مطيعة قنوعة بالكثير والقليل - حنينة على كل من يعيش معها توفير لهم الراحة والامان -لا تبخل بل انها عطائة محبة للحياة ضحوكة صاحبة نكتة ساخرة لا تحب الحزن برغم الدموع الساكنة فى عيونها دائما .

ً
ترفض العنف طيبه لابعد الحدود - عطوفة على القريب والغريب - تحتضن كل من ياتى اليها وتوفر له الامان حتى انهم اطلقوا عليها لقب تستحقة ام الدنيا

 .
هذه الزوجة الصبورة كم عانت من ازواجها واولادها وكانت تتحمل فى صمت -لا تشتكى ولا تتزمر وان تزمرت تزمرها رقيق ليس عنيف - انها تتميز بالحكمة والذكاء - تتميز بطول البال والتانى فى حل مشاكلها

 .
انما للصبر حدود انما للصبر حدود ,,, في يوم من الايام بعد طول الخضوع والاستسلام لزوج بدء حياته معها بكل حب ومودة لكنه بخيل -- واستمر الزواج لسنين وسنين تحول خلاها الزوج لطرطور - وزرائه هم من يسيّروا الامور - جوعوها وشردوا أولادها واهملوا احتياجاتها وباعوا ممتلكاتها - وكان القرار الخطير الذى اتخذته الزوجة - وهو ان تثور وتتمرد 

وتحتج وتطالب بحقوق اولادها

وتطور الامر الى مشاجرة مع زوجها وقررت ان ترفع ضده قضية خلع - وكسبت القضية فى فترة قصيرة جدا .
وجاء رجل خبيث عنيف وبطرق الخداع والتزوير وبتهديد ولى امرها المسئول عن حمايتها من الاعداء طلب يدها - وخشى ولى الامر صدام بين ابناء الزوجة - فعشيرة واهل هذا الرجل ارهابيين واصحاب سوابق غير انهم استعانوا بأجانب ضد ولى الامر - ورضخ ولى الامر وتم زفافها وهى متغصبة - والاكثرية من ابنائها رافضون هذه الزيجة - واستقال ولى الامر الجبان وجاء ولى امر آخر يتسم بالشجاعة والذكاء.

 .
واستولى الزوج العنيف على بيت الزوجية وعاشت الزوجة معه سنة على مضض اكتشفت خلالها انه خائن - فالزوج السابق كان يبيع ممتلكاتها اما هذا الزوج يبيع ارضها للغرباء - والخيانه الاخطر انه لم يحافظ على اسرار بيت الزوجية واخرجها للغرباء

 
طبيعى انها ترفض الخيانة فقررت خلعه وسجنه - فاستعانت بولى امرها الجديد وتم ترتيب الامور ثم اعلنت قرار الخُلع وتقديم وثائق تثبت انه جاسوس وخائن .
وتم الخُلع باحتفالية اقامها ابنائها فى كل الميادين اطلقوا البلونات والصواريخ الملونة التى اضاءت سماء هذه الزوجة الصبورة التى نالت حريتها.

 
وقررت بعد مرور فترة العدة انها تتزوج ولى امرها لانها احبته بل عشقته لطيبته وصدقه وخوفه عليها - ولاحظ ابنائها هذا الحب فاصروا وارغموه على الزواج من امهم ليحميها ويسعدها بعد طول شقائها وتعبها .
لكن اهل وعشيرة الزوج الخائن لم يتركوها تهنآ بحياة مستقرة وسعيدة - لكن الزوج المخلص اصّر على ان يوفر لها الامن والامان والاستقار والعيشة فى رخاء وسلام - لكن المسئلة مسآلة وقت فقط

dd.dyمجدى

29 \ 11 \ 2014
-
-

ماتت ثورة العيال والخونة الكبار ::: مجدى dd.dy

ماتت ثورة العيال والخونة الكبار

dd.dyمجدى 

 25 يناير 2011 بدأت بشوية عيال على الفيس وتويتر ,,, عيال مسنودة من برة
وانضم ليهم كبار وصغار من الناس البريئة وكتروا ونجحوا وفرضو كلمتهم فى ثلاث ايام كل دة من غير دم ولا عنف ولا تدمير ولا حرق
وكانت طلباتهم بسيطة ( عيش حرية عدالة اجتماعية ) لا اكثر ولا اقل
 الخونه لقيوا فرصتهم قدمهم والارضية ممهدة ما فاضلش غير انهم يركبوا على كل اللى اتعمل ,,, ما ينفعش كلام العيال ده  لأ ,,, يسقط يسقط النظام ,,, وبكده يهيجوا العيال ,,, واقنعوا البلطجية والمجرمبن والمسجلين خطر واالى ليهم قضايا سياسية او اجرامية فى امن الدولة ودفعوهم للتخريب وحرق امن الولة ونهبه ,,, وحرقوا الاقسام فى جميع المحافظات واستولوا على اسلحتها

بس ده لهدف مش اعتباطى ولا صدفة ,, لأ ده خطة اتحطت بسرعة واترتبت بسرعة لاستغلال اللى بيحصل ,, حرقوا الاقسام ومدريات 

الامن وكل المبانى الهامة ,,, ليه ده كله ؟

  

اتاريهم نويين على عملية كبيرة اكبر من اللى بيحصل ,,, فى نفس اليوم نفذوا خطتهم اقتحموا السجون والداخلية مشغولة بالهرج والمرج اللى بيحصل فى البلد ,,, شفت الخدعة ؟ ,,, ومحدش عارف من اللى منساقين وراهم مين دول ,,, ولا حاسين انهم اغبياء وان اللهو الخفى بيسقهم لتدمير بلدهم وشرطة بلدهم

 وانخدعنا مدة كبيرة فرحانين باللى بيحصل واتسجن مبارك ورجالته ,,, وهللنا وهنينا بعضنا ,,, بصراحة يستهلوا حبسهم
بس برضة معرفناش مين بيسوقنا ؟,,, وبيسقنا ليه ؟,,, واحنا ماشيين وراهم ,,, وصحينا الصبح لقينا مجلس شعب من ناس غريبة بتتكلم بلغة غريبة ,,, ابتدينا نفوق شوية ونسأل ايه اللى بيحصل ده ؟ ايه اللى شايفينه ده ؟

وعرفنا بعد كدة انهم الاخوان اللى سرقوا ثورة الغلمان الطيبين اللى كانوا بالقليل راضيين ,,, والاخوان مسكوا الحكم ونجحوا فى خطتهم اللى حطوها ,,, ولما اتعرفت الحقيقة الشعب مقدرش يصبر ولعنوا اليوم اللى نزلوا فيه مع العيال

الثورة اتخطفت يا رجالة بعد ما البلد خربت يا رجالة ,,, يا خسارة يا خسارة ,,, بقت مش ثورتنا آه ابتديناها وبادينا للخونة سلمناها ,,, وبقت ثورتهم مش ثورتنا ,,, هما اللى كسبوا ,,,,, يا وكستنا على خبتنا ,,, بس مسكتناش ,,, قلنا نعمل ثورة تانية بناس نضيفة ,,, وعملناها وكسبناها وطردنا الخونة

بس المشكله فى العيال متمسكين بالثورة الاولانية ,,, وبيقولوا هى الاصلية ,,, واللى بيشجعهم تلابيب الخونة بافكار مسمومة ,, واحنا مش عارفين نفهمهم ,,, انهم اتسرقوا وطلع نأبهم على شونة ,,, وان ثورتهم خلصت فى الثلاث الايام الاولى فقط ,,, وبقية الثورة ثورة الخونه ,,,,,, هو فيه ثورة تنجح فى تلات تيام بس ؟؟ مش ممكن! ,,, دى اتحولت لانتفاضة حرمية ,,, نهب وسرقة تحت راية الحرية ,,, واستلمها الاخوان ,,, وحضراتكم عايشيين فى الدور انكم ثورجية

ثورتكم ماتت ,,, واحمدوا ربنا انكم عايشين بفضل ثورة ثلاثين ,,, والا كٌنتوا لو استمر حكم الاخوان من الميتين ,,, ما تنسوش دول من فصيلة داعش ,,, ولا انتوا مش فاهمين ؟؟؟ افهموا يا جدعان ثورتكم ماتت فى مهدها وهى لسه نونو وادفنت ومابقتش فى حضنكم ,,, صوتوا والطموا على خيبتكم وعلى خلفتكم ,,,, بتطالبوا باية ؟ كتكم خيبة
انضموا للثورة الجديدة ,,, اللى اتولدت وعايشة ومحدش يقدر يقتلها وهتكبر وهترعرع غصب عن اللى بيسوقوكم ,, وبيحركوكم ,,, ويجروكم زى المواشى ,,, بطلوا كلام شعارات ,,,, بيرددها الخونه ,,, حقوق انسان ,,, هما الدواعش عندهم حقوق انسان ,,, عندهم القتل زى اكل اللبان ,,, هما الدواعش يعرفوا معنى الديموقراطية ,, دى حياتهم غدر وحقد واغلبهم حرامية

مش انتم يهمكم مصلحة بلادكم ؟ حطوا ادكم فى ادينا ونبنى فيها ,,, نستحمل شوية لما نخلص من الارهاب واخوان الارهاب ,,, ونعدل الحال ,,,وبعدها اطلعوا بشعارتكم ,,, وطالبوا باحتياجاتكم ,,, وان معجبكمش الحال ابقوا اعملوا ثورة ثالثة ميهمكمش هنكون معاكم ونقف وياكم

لكن فى حالتنا دى ما ينفعش يا جماعة ,,, لازم كلنا نكون ايد واحدة عشان نعوض خراب ثورة التتار اللى خربت كل الديار

dd.dyمجدى
30-11-2014
-
-