الجزيرة القطرية مازالت تعمل ضد النظام فى مصر ::: مجدى dd.dy

الجزيرة القطرية مازالت تعمل ضد النظام فى مصر

مجدى dd.dy

قناة الجزيرة فرحانة بالشوية اللى نزلوا فى منطقة الدقى والجيزة 
آه صحيح شباب نضيف وكلهم ماسكين اعلام مصر 
وبيقولوا يسقط النظام 

شوية شباب غبى لا يعرف ما يحدث 
بيحركهم بعض المغرضين الذين يستغلون اى حدث لتهييج الشباب 

والجزيرة اعتبرت ما حدث هو نجاح الثورة اللى تبع الاخوان 
برغم ان تجمعهم لم يستمر 
وهرب بقيتهم مثل الجرزان 
وهذا يدل ان الشعب المصرى مل من تهور الشباب وغباء الشباب 
و مل الربيع الدامى اللى شغال لغاية الان فى بلاد بجوارنا 
وتحولت هذه البلاد بسبب هذا الربيع الى ارض محروقة

مش فاهم هم شبابنا واعلامنا مصممين ان يحولوا مصر زى ليبيا وسوريا 
نفسى افهم بيفكروا ازاى وهم عايزين ايه ؟

يعنى اية ترديد شعارات 25 يناير 
ما هى دى شعارات ليبيا وسوريا 

ليبيا حققتها كلها وخربت تماماً
وسوريا حققت جزء كبير منها 
ومصر لم تحقق منها شئ 

والــ مسميين نفسهم ثوريين مصممين انهم يكملوا الثورة فى مصر
لنصل لحالة حرق البلد حتى يستريحوا 

حتى لو تحققت كل شعاراتهم

 {(عيش حرية وعدالة اجتماعية)}
شعارات فارغة من شباب تافه
لا يريد ان يعمل لتوفير العيش 
و الحرية هى تخريب وثورة وتدمير 
والعدالة الاجتماعية معناها مفيش حد فى البلد يكون احسن منهم ,
واصحاب الاعمال والمال لازم يفتقروا ويشحتوا 
والسياحة حرام 
والفن حرام 
والعيشة حرام

مجدى  dd.dy
25 ابريل 2016
-
-