نبوءة عكاشة عن السيسى
مجدى dd.dy
عكاشة يحذر السيسى
من 5-5-2015 يوم السقوط المروع
بنفس اسلوب استغلال
الارقام المكررة فى التواريخ والتحذير من المصائب التى ستحدث فى مثل هذه التواريخ
وكم من التواريخ
التى انتشرت بين الناس انتشار النار فى الهشيم ويمر التاريخ ولا يحدث شئ والناس
تاخد مقلب
اقرب هذه الاشاعات
اشاعة يوم 4-4-2014 ,,,, وانه يوم القيامة
انه اسلوب قديم قدم
الزمن والبشر تصدق وتنتظر والموضوع يطلع فشنك ولا تتعظ وكل مرة تصدق اى اشاعة
ترتبط بالتاريخ
وعكاشة عندما تنبأ بان
مصر ستضرب الارهاب فى ليبيا وحدث ما توقع استغل الفرصة واطلق الاشاعة التى ترتبط
بتاريخ مميز ,,, به من الارقام المكررة 5-5-5
وقمت بتعديل التاريخ
الذى جاء به تعديل بسيط لأدلل على استحالة حدوث شئ والتعديل هو 5- 15 - 2015 حسب
التقويم العكشاوى
انه يطلب من المشاهدين
ويقول : عاوز مصر كلها تسجل علي هذه الكلمة، لو استمرت سياسات السيسي الحالية، واستمرت
الشلة المحيطة به والمسؤولة عن الأوضاع الحالية في مصرعلى هذا المنهج ,,، فإن
الدولة المصرية وتحديدا نظام السيسي سيسقط يوم خمسة خمسة في العام الفين وخمستاشر .
يا سلام يعنى كل
اللى حوالين السيسى تبع الماسونية العالمية ؟؟؟
ويكمل ويقوا : ان
الأحداث ستستمر من 5 الى 8 أيار/ مايو
انه يتنبأ بالتفاصيل
وتحديد التاريخ ,,, ميعرفش ان مصر حيرت الجن والعفاريت والعرافين الامريكيين
والمتنبئين الزرادتشيين ,,,, والمؤرخين والمحللين ! وطلعتهم كلهم متخلفين امام
الذكاء المصرى الفطرى
وجاى الاسطى عكاشة
يتنبأ علينا وكمان بيحدد التاريخ باليوم والشهر والسنة ,,, انه لمتمكن .
لأ وايه بيحلف ويقول
: » ورحمة ابويا في نومته، أقسم بالله وأنا باحلف أهو نظام السيسي هيسقط يوم خمسة
خمسة
ينهار ابيض من اين
اتى بهذه الثقة ؟؟؟ يحلف برحمة ابوه ,,, طب احلف بحاجة تانية يمكن نصدقك !
وعشان يبرر كلامه
وكأنه على علم بالخطط الماسونية العالمية يقول : أن السر وراء حدوث السقوط في
اليوم الخامس من الشهر الخامس في العام خمسة عشر، يتعلق بالماسونية العالمية
وانا اسئله مين
الماسونى الخائن الذى يطلعك على اسرارهم ؟؟؟ ولا هتقولى انك مخاوى عفريت بيشتغل فى
السياسة ويعرف خبايا السياسة الماسونية !
وانصحك قبل ان تغط
فى النوم ابقى اتغطى كويس
وانسى يا عكاشة لن
تسقط مصر حتى لو تحالف ضدها كل اشرار العالم من ماسون وصهاينة واخوان والعفاريت
والجان ,,, بس انت اخرج منها وهى تسلم
مجدى dd.dy
9 مارس 2015
-
-
ليست هناك تعليقات:
إرسال تعليق