اوباما
تاه يا ولداه !
وسط زحمة الاحداث
مجدى dd.dy
امريكا تعيش
هذه الايام حالة من التواهان , لا عرفه
تحل ولا تربط , وكل الامور فلتت من اديها
.
مش عارفه
تعمل حاجة فى اوكرانيا ,, وشوية شوية
اوكرانيا هترجعها روسيا لحضنها .
والدول الاوروبية
عاطيا امريكا الطرشة وبتتعامل مع روسيا فى حل مشكلة اوكرانيا
اصل اوروبا
مصالحها مع روسيا اكتر من مصالحها مع امريكا ,,, الدنيا برد والغاز بيجى من روسيا ,, هيموتوا نفسهم من
البرد عشان خاطر عيون امريكا ؟ تغور امريكا ومصالحها .
وموضوع داعش
فضح امريكا ,, قال اية امريكا عملت حلف لضرب داعش ,, طب كويس !
بس امريكا
بتقول المهمة هتاخد تلات سنين , يا سلام ,
ليه ؟
داعش دولة متقدمة وتملك سلاح ماحصلش ؟
ايه الخيبة
الكبيرة اللى اصابت الادارة الامريكية ؟
بس السر
عرفناه ,, داعش دى تبع امريكا بس متقدرش تقول ,,, يعنى هتفضح نفسها ؟
هى بتضرب داعش بحنية عشان تقول للعالم بصوا انا ضد
الارهاب ,,, وبتفكر العالم ما بيفهمش وبتفكر نفسها اذكى من كل الخلق ,, لأ
وبتستعبط علينا بدل ما تضرب همج داعش ترمى ليهم اسلحة واكل ,, وبعدها امريكا تقول يا
خرابى مكنش قصدى دنا برميها للناس التانيين
اللى بيحربوا داعش ,, هههههه ملعوبة يا امريكا .
ونيجى لمصر
راحت دخلت ليبيا بالطيارات وضربت من غير
احم ولا دستور ,, لأ واية فى اليوم اللى بتضرب فيه مصر راحت امريكا لمجلس الامن
تقولهم انا هضرب , وهى ضربت من بدرى ,, طبعاً اوباما لما عرف اتخض , وقعد يومين مُزبهل مش عارف يرد
لا من فوق ولا من تحت , ولما فوقوه فى البيت الابيض , وشرحوله الموضوع رد بحنية
وقال , من حق مصر حماية امنها بس مشكلة ليبيا لازم تتحل بالتفاوض
ايه يا عم
اوباما ؟ تفاوض ايه ؟ هو انت عبيط ؟ هتقعد مع مين فى ليبيا تتفاوض ؟ ,,, هما
طرفين ,, طرف اهل البلد والطرف التانى
كلهم ارهابيين ,, هتقعد مع الارهابيين الدواعش تتفاوض ؟ , لا لا لا لا انت اكيد خرفت !
اتارينى انا
اللى خرفت تصدقوا ,, نسيت ان الارهابيين دول تبعه ههههههههه منا عبيط صح ,, طلعت مابفهمش
انا مش هكتب
تانى اتعقدت خلاص
مجدى dd.dy
19 فبراير
2014
-
-
ليست هناك تعليقات:
إرسال تعليق