هستنى رد السيسى والحكومة
مجدى dd.dy
هستنى واشوف رد السيسى والحكومة على العملية الارهابية الاخيرة فى سيناء
واللى راح فيها ثلاثون شاب من شباب مصر على يد الارهابيين
الحكومة عملت اجتماع وقرروا حظر تجول فى شمال سيناء ,,, ولو انه اجراء مالوش لزمة
لكن انا مستنى القرارات السريعة والحاذمة ,,, والقوانين الصارمة
لو ملقتش حاجة مهمة بعد العملية دى هشك فى كل حاجة فى البلد دى
وهشك فى السيسى ومحلب وكل الحكومة
هيقول لى مايقدرش يعمل قوانين تزعج امريكا واوروبا كما سمعته فى احد الفيديوهات
هقوله كتر خيرك لغاية هنا وسبها لغيرك قدم استقالتك ,,,, احنا انتخبناك عشان تحمى مصر وشباب مصر
واهم بيموتوا كل يوم وقربنا نتعود ونبقى زى دول تانية
,,, ايه اللى عملته ؟؟؟
مشاريع ؟؟؟ نشكرك جدا
امن ؟ صفر
انا عايز الامن الاول قبل المشاريع
لو ماخدتش قرارات صارمة ضد الارهابيين والاخوان هتتأكد ظنونى انك تبع الاخوان وانك خايف من الاخوان وانك تحت ضعوط الاخوان والامريكان والبلد هتضيع على ايدك وايد الاخوان ,,, والامريكان ,واللى انت بتعمله هو مخطط بينك وبينهم
,,, وهيرجع الاخوان وهيرجع مرسى رئيس مصر الشرعى
وكل المعارضة تتحط على المشانق ,,, ورجال الجيش الاحرار يُعدموا او يُنشقوا ومصر تتحول لسوريا وليبيا والعراق ,,,,
كمل جميلك و حرر مصر من الارهاب
ارجوك بدد شكوكى وريح قلبى ربنا يريح قلبك
مجدى dd.dy
24 اكتوبر 2014
--
-
-
ليست هناك تعليقات:
إرسال تعليق