منقدرش نزعل الاخوان والامريكان والاوروبيين ؟
مجدى dd.dy
النت عندى كان قاطع كام يوم مقدرتش اطلع على قرارات الحكومة فى موضوع مقتل الثلاثين جندى فى سيناء ,,, وعندما اتطلعت على القرارات تأكد احساسى بان السيسى وحكومتنا كلها مضغوطة من الاخوان لعدم الاضرار بهم
الحكومة اخذ قرارات لا توصف سوى بانها قرارات هايفة لا تحل ولا تربط ..
. واول هذه القرارات فرض حالة الطوارىء في شمال سيناء لمدة ثلاثة أشهر وفرض حظر تجول ليلي خلال سريان حالة الطوارىء.
يا سلام على القرارات الحازمة التى تشفى الغليل ,,, انه انتقام ما بعده انتقام
,,, هو فى حد ذاته قرار ممتاز لكنه جاء متأخرا ,,,
وثانى قرار اغرب من الاول موافقة مجلس الوزراء على تقديم مشروع بتعديل قانون القضاء العسكري ، لإضافة ضمن اختصاصاته قضايا الإرهاب التي تهدد سلامة وأمن البلاد، والتي تتعلق بالاعتداء على منشآت وأفراد القوات المسلحة والشرطة، والمرافق والممتلكات العامة، وإتلاف وقطع الطرق.
يا سلاااااااااااام على القرار ,,,, اللى لم يتم اقراره ,,, سوف يُدرس اولا ,,, ويتم مناقشته ,,,,, وتحويله للجان اساسية وبعد ذلك يحول للجان فرعية ,,, وحتى تتم الموافقة عليه بعد سنة مش قبل سنه ,,, يكون الارهابيين وضبوا نفسهم فى سيناء وفى القاهرة وبقية المحافظات ,,,
طبعاً حكومتنا متقدرش تزعل الاخوان والامريكان والاوروبيين ,,,, لكن تزعل الشعب المصرى ما هو مقدور عليه ,,, ايه بعنى لما يموت حتى الف انسان مصرى ,,, ما هما بيخلفوا كتير ,,,, وملهمش قيمة ,,, لكن نزعل الاجانب ؟ ما يصحش دول فى ايديهم يشيلوا الوزارة والرئيس ويحتلوا مصر ,,,, فبلاش نزعلهم
لآ والاغرب اللى قاله السفير
ستطبق أحكام القضاء العسكري في المناطق المحددة التي أعلنت فيها حالة الطوارئ.
يعنى الارهابيين اللى فى المحافظات لن يطبق عليهم الاحكام العسكرية ,,, ده اذا اقر قرار الاحكام العسكرية ,,,,,,,,,,,,,,,, يـــــــــــــــــــــــــا حــــــــــــــــــــــــــــلاوة
يا سيادة الرئيس عبد الفتاح السيسى ريح قلبنا وقول لنا ايه الموضوع بالظبط الاسلوب ده ما ينفعش ,,,, معالجة موضوع الارهاب مش محتاج مواربة ,, ولا محتاج معالجة على حساب الامن القومى ,,, اسلوب المماطلة اصبح واضح من المسئولين ومن حضرتك ,,,,
نربد قانون التظاهر مُنفذ على الارض
نريد قانون الارهاب مفعل على الكل
نريد المحاكمات العسكرية فورا
نريد اعلان واضح بان الاخوان منظمة ارهابية
نريد امن وامان ونعيش فى اطمأنان
مجدى dd.dy
:27 اكتوبر 2014
-
-
-
ليست هناك تعليقات:
إرسال تعليق